ବିହାରରେ ଏକ ସଡ଼କ ଦୁର୍ଘଟଣାରେ ୪ ଭୋଜପୁରୀ କଳାକାରଙ୍କ ମୃତ୍ୟୁ ହୋଇଥିଲା । ହେଲେ ମୃତକଙ୍କ ମଧ୍ୟରେ ଅଭିନେତ୍ରୀ ଆଞ୍ଚଲ ତିୱାରୀ ରହିଥିବା କିଛି ଗଣମାଧ୍ୟମରେ ପ୍ରକାଶ ପାଇଥିଲା । ହେଲେ ଏ କଥା ସମ୍ପୂର୍ଣ୍ଣ ମିଥ୍ୟ ବୋଲି ଖୋଦ୍ ଅଭିନେତ୍ରୀ କହିଛନ୍ତି । ସେ ବଞ୍ଚିଛନ୍ତି, ତାଙ୍କୁ ନେଇ ମିଥ୍ୟା ଖବର ପ୍ରଚାର କରନ୍ତୁନି ବୋଲି ସେ ଭିଡିଓ ଜାରି କରିଛନ୍ତି ।

ସୋମବାର ବିହାରର କୈମୁରରେ ଘଟିଥିବା ସଡ଼କ ଦୁର୍ଘଟଣାରେ ପ୍ରାଣ ହରାଇଥିଲେ ୯ଜଣ । ତାଙ୍କ ମଧ୍ୟରେ ଭୋଜପୁରୀ ସିନେମାର ଚାରିଜଣ କଳାକାର ମଧ୍ୟ ପ୍ରାଣ ହରାଇଥିବା ସାମ୍ନାକୁ ଆସିଥିଲା। ୪ଜଣଙ୍କ ମଧ୍ୟରେ ଭୋଜପୁରୀ ଅଭିନେତ୍ରୀ ଆଞ୍ଚଲ ତିୱାରୀ ମଧ୍ୟ ଥିଲେ। ଏହି ଖବର ଚାରିଆଡେ ଭାଇରାଲ ହେବା ପରେ ଆଞ୍ଚଲ ତିୱାରୀ ଭିଡିଓ ଜାରି କରି ବଞ୍ଚିଥିବା ସ୍ପଷ୍ଟ କରିଛନ୍ତି।

ସେ କହିଛନ୍ତି ଯେ, ଯେଉଁ ଆଞ୍ଚଲ ତିୱାରୀଙ୍କ ମୃତ୍ୟୁ ହେଇଛି ସେ ମୁଁ ନୁହେଁ। ସେ ଭୋଜପୁରୀ କଳାକାର। ହେଲେ ଗଣମାଧ୍ୟମରେ ମୋ ‌ଫଟୋ ଦିଆଯାଇଛି। ମୁଁ ଜୀବିତ ଅଛି। ‘ମୋର ନାମ ଆଞ୍ଚଲ ତିୱାରୀ। ଆସନ୍ତାକାଲି ଆପଣ ନିଶ୍ଚିତ ଭାବରେ ‘ପଞ୍ଚାୟତ ୨’ର ଖ୍ୟାତନାମା ଅଭିନେତ୍ରୀ ଆଞ୍ଚଲ ତିୱାରୀଙ୍କ ଦେହାନ୍ତ ଖବର ଦେଖିଥିବେ। ସେହି ଆଞ୍ଚଲ ତିୱାରୀ ମୁଁ ନୁହେଁ।  ସେ ଜଣେ ଭୋଜପୁରୀ ଅଭିନେତ୍ରୀ। ‘ପଞ୍ଚାୟତ ୨’ର ଆଞ୍ଚଲ ତିୱାରୀ ଏଠାରେ ଆପଣଙ୍କ ସାମ୍ନାରେ ସୁରକ୍ଷିତ ଏବଂ ଜୀବିତ ଅଛନ୍ତି। ଏହା ସଂପୂର୍ଣ୍ଣ ମିଥ୍ୟା ଖବର।’ ସେ ଆହୁରି କହିଛନ୍ତି, ‘ଭୋଜପୁରୀ ସିନେମା ସହିତ ମୋର କୌଣସି ସମ୍ପର୍କ ନାହିଁ। ମୁଁ ହିନ୍ଦୀ ସିନେମା କରେ। ତେଣୁ ଦୟାକରି ମୋତେ ଭୋଜପୁରୀ ସହିତ ତୁଳନା କରନ୍ତୁ ନାହିଁ। 

Powered by Froala Editor