ବାହା ହେବାର ପାଗଳାମି, ଟିଭି ଆଙ୍କରଙ୍କୁ ଅପହରଣ କରିନେଲେ ଯୁବତୀ
![ବାହା ହେବାର ପାଗଳାମି, ଟିଭି ଆଙ୍କରଙ୍କୁ ଅପହରଣ କରିନେଲେ ଯୁବତୀ](https://odishanewslens.com/news_gallery/28252_1708802913.jpg)
ଫେକ୍ ଆଇଡିରେ ଚାଟିଂ କରି ପ୍ରେମ ହୋଇଗଲା । ଫେକ୍ ଆଇଡିରେ ଲାଗିଥିଲା ହ୍ୟାଣ୍ଡସମ ଟିଭି ଆଙ୍କରଙ୍କ ଫଟୋ । ହେଲେ ସତ ଜାଣିବା ପରେ ବି ଯୁବତୀଙ୍କର ଟିଭି ଆଙ୍କରଙ୍କ ପ୍ରତି ଦୁର୍ବଳତା କମିନଥିଲା । ଆଙ୍କର ଜଣଙ୍କୁ ଖୋଜି ତାଙ୍କୁ ବାହା ହେବାକୁ କହିଥିଲା । ହେଲେ ଆଙ୍କର ଜଣକ ମନା କରିବାରୁ ତାଙ୍କୁ ଅପହରଣ କରିନେଇଥିଲା ଯୁବତୀ । ଏମିତି କାଣ୍ଡ ଘଟିଛି ହାଇଦ୍ରାବାଦରେ ।
ଯୁବତୀ ଜଣକ ହେଉଛନ୍ତି ବିଜ୍ନେସ୍ଓ୍ୱୁମେନ୍ ଭୋଗୀ ରେଡ୍ଡୀ ତ୍ରିଶା। ସେ ଡିଜିଟାଲ୍ ମାର୍କେଟିଂ ବ୍ୟବସାୟ କରୁଥିବା ୫ଟି ଷ୍ଟାର୍ଟଅପ୍ କମ୍ପାନିର ପରିଚାଳନା ନିର୍ଦେଶିକା ଅଛନ୍ତି। ୩୧ ବର୍ଷୀୟା ତ୍ରିଶା ମାଟ୍ରିମୋନି ସାଇଟ୍ରେ ଟିଭି ଆଙ୍କର୍ ପ୍ରଣବ ସିସ୍ତଲାଙ୍କ ଫଟୋ ଦେଖିଥିଲେ। ପ୍ରାୟ ୨ ବର୍ଷ ତଳୁ ତାଙ୍କ ସହିତ ସେ ଚାଟିଂ କରି ଆସୁଥିଲେ। କିନ୍ତୁ, ପରେ ତ୍ରିଶା ଜାଣିପାରିଲେ ଯେ, ମାଟ୍ରିମୋନି ସାଇଟ୍ରେ ଅସଲ ଆକାଉଣ୍ଟ୍ ହୋଲ୍ଡର ନିଜ ଫଟୋ ନ ଦେଇ ଟିଭି ଆଙ୍କର୍ ସିସ୍ତଲାଙ୍କ ଫଟୋ ବ୍ୟବହାର କରିଛନ୍ତି।
ତା’ପରେ ତ୍ରିଶା ପ୍ରୋଫାଇଲ୍ ସର୍ଚ କରି ସିସ୍ତଲାଙ୍କ ଫୋନ୍ ନମ୍ବର ପାଇଥିଲେ। ତାଙ୍କ ସହିତ ସେ ଇନ୍ଷ୍ଟାଗ୍ରାମ ମାଧ୍ୟମରେ ଯୋଗଯୋଗ କରିଥିଲେ। ଅଜ୍ଞାତ ବ୍ୟକ୍ତି ମାଟ୍ରିମୋନି ସାଇଟ୍ରେ ଜାଲ୍ ଆକାଉଣ୍ଟ ଖୋଲି ତାଙ୍କ ଫଟୋ ଲଗାଇ ଦେଇଥିବା ଟିଭି ଆଙ୍କର ସିସ୍ତଲା କହିଥିଲେ। ଏ ସଂକ୍ରାନ୍ତରେ ସେ ସାଇବର୍ କ୍ରାଇମ୍ ଥାନାରେ ଅଭିଯୋଗ ମଧ୍ୟ କରିଥିବା ଜଣାଇଥିଲେ।
ତେବେ ଏହା ପରେ ମଧ୍ୟ ତ୍ରିଶା ତାଙ୍କୁ ବିବାହ ପ୍ରସ୍ତାବ ଦେଇଥିଲେ। ହେଲେ ସିସ୍ତଲା ତ୍ରିଶାଙ୍କ ବିବହ ପ୍ରସ୍ତାବକୁ ପ୍ରତ୍ୟାଖାନ କରିବା ସହ ତାଙ୍କ ଫୋନ୍ ନମ୍ବର ବ୍ଲକ କରିଦେଇଥିଲେ। ସିସ୍ତଲାଙ୍କୁ ବାହା ହେବାକୁ ତ୍ରିଶା ତାଙ୍କୁ ଅପହରଣ କରିନେବାକୁ ଯୋଜନା କଲେ। ଅପହରଣ କରିନେବାକୁ ସେ ୪ଜଣ ଲୋକ ମୁତୟନ କରିଥିଲେ।
ଫେବ୍ରୁଆରି ୧୧ ତାରିଖ ଦିନ ୪ଜଣ ସିସ୍ତଲାଙ୍କୁ ଅପହରଣ କରି ତ୍ରିଶାଙ୍କ ଅଫିସ୍କୁ ନେଇ ନିର୍ଧୁମ୍ ଛେଚିଥିଲେ। ଜୀବନ ବିକଳରେ ସିସ୍ତଲା ତ୍ରିଶାଙ୍କ ଫୋନ୍ ରିସିଭ୍ କରିବେ ବୋଲି ରାଜି ହେବାରୁ ତାଙ୍କୁ ଛାଡ଼ି ଥିଲେ। ପରେ ସିସ୍ତଲା ଉପ୍ପଲ୍ ଥାନାରେ ଏନେଇ ଅଭିଯୋଗ କରିଛନ୍ତି।
ତ୍ରିଶା ଏକ ପ୍ରେମରେ ଏମିତି ପାଗଳ ହୋଇଯାଇଛନ୍ତି ଯେ, ଜଣେ ସଫଳ ଉଦ୍ୟୋଗୀ ହେବା ପରେ ମଧ୍ୟ କ୍ରାଇମର ବାଟ ବାଛି ନେଇଥିଲେ । ତଥାପି ତ୍ରିଶାଙ୍କ ମୁଣ୍ଡରୁ ଭୂତ ବାହାରିନଥିବା ଜଣାପଡିଛି । ସେ ଟିଭି ଆଙ୍କରଙ୍କୁ ସବୁଦିନ ଭଲ ପାଇବେ ବୋଲି କହୁଛନ୍ତି ।
Powered by Froala Editor