ଆଦିବାସୀଙ୍କ ଉପରେ ଲାଗିଥିବା ୪୮ ହଜାର ୧୬ଟି ମାମଲା ହେବ ପ୍ରତ୍ୟାହାର
ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ଏକ ବଡ଼ ନିର୍ଦ୍ଦେଶ ଦେଇଛନ୍ତି । ଆଦିବାସୀଙ୍କ ଉପରେ ଲାଗିଥିବା ୪୮ ହଜାର ଛୋଟ ମାମଲାକୁ ହଟାଇବାକୁ ମୁଖ୍ୟମନ୍ତ୍ରୀ ନିଦେ୍ର୍ଧଶ ଦେଇଛନ୍ତି । ଗୃହ, ଅବକାରୀ ଓ ଜଙ୍ଗଲ ବିଭାଗ ଅଧୀନରେ ଥିବା ମାମଲାଗୁଡ଼ିକୁ ହଟାଯିବ । ୩ଟି ବିଭାଗ ଅଧୀନରେ ଥିବା ମୋଟ ୪୮ ହଜାର ୧୬ଟି ମାମଲା ପ୍ରତ୍ୟାହାର ହେବ । ଜନଜାତିଙ୍କ ଉପରୁ ଛୋଟ ମାମଲା ହଟାଇବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ୩୬,୫୮୧ଟି ଅବକାରୀ ମାମଲା, ୯୮୪୬ଟି ଗୃହ ବିଭାଗର ମାମଲା ଓ ଜଙ୍ଗଲ ଏବଂ ପରିବେଶ ବିଭାଗର ୧୫୯୧ଟି ମାମଲା ପ୍ରତ୍ୟାହାର ହେବ ।
ସୂଚନାଯୋଗ୍ୟ ଯେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଗୃହ ବିଭାଗ, ଅବକାରୀ ବିଭାଗ ଓ ଜଙ୍ଗଲ ଓ ପରିବେଶ ବିଭାଗ ଜନଜାତି ବର୍ଗଙ୍କ ଉପରେ ଥିବା ମକଦ୍ଦମା ଗୁଡିକର ସମୀକ୍ଷା କରିଥିଲେ । ମୋକଦ୍ଦମା ଗୁଡିକର ପୁଙ୍ଖାନୁପୁଙ୍ଖ ଅନୁଧ୍ୟାନ ପରେ ଉପରୋକ୍ତ ତିନୋଟି ବିଭାଗର ସମୁଦାୟ ୪୮୦୧୮ଟି ଜଙ୍ଗଲ ଓ ଅବକାରୀ ସଂପର୍କିତ ମାମଲା ପ୍ରତ୍ୟାହୃତ କରିବା ପାଇଁ ନିଷ୍ପତ୍ତି ହୋଇଛି। ଏହିସବୁ ମାମଲା ପ୍ରତ୍ୟାହୃତ ହେବା ଦ୍ବାରା କୋର୍ଟ ଓ ନ୍ୟାୟିକ ବ୍ୟବସ୍ଥା ଉପରୁ ମଧ୍ୟ ଚାପ ହ୍ରାସ ପାଇବ ।
Powered by Froala Editor
