ସନ୍ଦେହରୁ ହତ୍ୟା, ଆଇଟି ଇଞ୍ଜିନିୟରଙ୍କୁ ଗୁଳି କରି ମାରିଦେଲା ବୟଫ୍ରେଣ୍ଡ୍
ପୁଣେରେ ଥିବା ଗୋଟାଏ ହୋଟେଲ୍ରେ ଜଣେ ମହିଳା ଆଇଟି ଇଞ୍ଜିନିୟର୍ଙ୍କୁ ତାଙ୍କ ବୟଫ୍ରେଣ୍ଡ୍ ଗୁଳି କରି ହତ୍ୟା କରିଛି। ମୃତା ଯୁବତୀଜଣକ ଆଇଟି ଇଞ୍ଜିନିୟର ବନ୍ଦନା ଦ୍ୱିବେଦୀ ବୋଲି ଜଣାଯାଇଛି। ବନ୍ଦନାଙ୍କୁ ହତ୍ୟା ଅଭିଯୋଗରେ ପୁଲିସ୍ ତାଙ୍କ ବୟଫ୍ରେଣ୍ଡ ରିଷଭ ନିଗମଙ୍କୁ ଗିରଫ କରିଛି।
ବନ୍ଦନା ପୁଣେର ଏକ ପ୍ରତିଷ୍ଠିତ ସଫ୍ଟୱେର କମ୍ପାନୀରେ କାମ କରୁଥିଲେ। ଉଭୟ ୧୦ ବର୍ଷ ହେବ ପରସ୍ପରଙ୍କୁ ଜାଣିଥିଲେ ଏବଂ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା। ରିଷଭଙ୍କ ଘର ଉତ୍ତରପ୍ରଦେଶର ଲକ୍ଷ୍ନୌରେ । ସେ ଲକ୍ଷ୍ନୌରେ ରହୁଥିବା ବେଳେ ବନ୍ଦନାଙ୍କୁ ସାକ୍ଷାତ କରିବାକୁ ପୁଣେ ଆସୁଥିଲେ। କିଛି ଦିନ ତଳେ ସେ ପୁଣେ ଯାଇଥିବା ବେଳେ ଏକ ଏକ ଓୟୋ ରୁମ୍ ବୁକ୍ କରି ସେଠାରେ ଗତ ୨୫ ତାରିଖରୁ ରହୁଥିଲେ। ମାତ୍ର ଶନିବାର ରାତି ପ୍ରାୟ ୧୦ଟା ବେଳେ ରିଷଭ ଏକୁଟିଆ ହୋଟେଲ ରୁମ୍ରୁ ବାହାରି ପଳାଇ ଯାଇଥିଲେ।
ପୁଲିସ ସୂତ୍ରରୁ ପ୍ରକାଶ, ବନ୍ଦନାର ଚରିତ୍ର ଉପରେ ଋଷଭଙ୍କର ସନ୍ଦେହ ହୋଇଥିଲା। ତେଣୁ, ତାଙ୍କୁ ହତ୍ୟା କରିବା ପାଇଁ ଯୋଜନା କରି ଋଷଭ ପୁଣେ ଆସିଥିଲେ। ହୋଟେଲକୁ ନେଇ ତାଙ୍କ ସହ ସମୟ ବିତାଇବା ସହ ଶେଷରେ ଗୁଳି କରି ତାଙ୍କ ଜୀବନ ନେଇଛନ୍ତି।
Powered by Froala Editor
