ହନୁମାନ ପତାକା କାଢ଼ିବାକୁ ନେଇ ହଙ୍ଗାମା, ୧୪୪ ଧାରା ଜାରି
![ହନୁମାନ ପତାକା କାଢ଼ିବାକୁ ନେଇ ହଙ୍ଗାମା, ୧୪୪ ଧାରା ଜାରି](https://odishanewslens.com/news_gallery/27701_1706549838.jpg)
କର୍ଣ୍ଣାଟକର ମାଣ୍ଡିୟା ଜିଲ୍ଲାରେ ହନୁମାନ ପତାକା କାଢ଼ିବାକୁ ନେଇ ହଙ୍ଗାମା ହୋଇଛି। ବିଜେପି ଏବଂ ଜନତା ଦଳ-ସିକ୍ୟୁଲାର୍ (ଜେଡିଏସ୍) ପକ୍ଷରୁ ବିକ୍ଷୋଭ ରାଲି ପ୍ରଦର୍ଶନ ହେବା ପରେ ଅନେକ ପୁଲିସ୍ କର୍ମୀ ସେଠାରେ ନିୟୋଜିତ ହୋଇଛନ୍ତି।
ସୋମବାର ସକାଳେ ବେଙ୍ଗାଲୁରୁରେ ବହୁ ସଂଖ୍ୟାରେ ବିକ୍ଷୋଭକାରୀ ପତାକା ହଟାଇବାକୁ ନେଇ ବିରୋଧ କରିଥିଲେ। ବିକ୍ଷୋଭକାରୀମାନେ ରାସ୍ତା ଅବରୋଧ କରି ‘ଜୟ ଶ୍ରୀ ରାମ’ ସ୍ଲୋଗାନ ଦେଇଥିଲେ। କେରାଗୋଡୁ ଗ୍ରାମରେ ମଧ୍ୟ ଏହିପରି ଏକ ବିରୋଧ କରାଯାଇଥିଲା, ଯେଉଁଠାରେ ୧୦୮ ଫୁଟ ହନୁମାନଙ୍କ ପତାକାକୁ ଜିଲ୍ଲା ପ୍ରଶାସନ ଦ୍ୱାରା ହଟାଇବା ନେଇ ତୀବ୍ର ବିବାଦ ସୃଷ୍ଟି ହୋଇଥିଲା। ଗ୍ରାମ ପଞ୍ଚାୟତ ଦ୍ୱାରା ଜାତୀୟ ପତାକା ଉତ୍ତୋଳନ କରିବାକୁ ଅନୁମତି ଦିଆଯାଇଥିବା ବେଳେ ଏକ ଗୋଷ୍ଠୀ ତାହା ନକରି ସେହି ସ୍ଥାନରେ ୧୦୮ ଫୁଟ୍ର ଏକ ହନୁମାନ ପତାକା ଲଗାଇଥିଲେ। ଯାହାକୁ ନେଇ ହଙ୍ଗାମା ସୃଷ୍ଟି ହୋଇଥିଲା।
ସ୍ଥିତିକୁ ଆୟତ କରିବାକୁ ଯାଇ ବିକ୍ଷୋଭକାରୀଙ୍କୁ ପୁଲିସ ଅଟକ ରଖିଛି। ବିଜେପି ପକ୍ଷରୁ ଏହାକୁ ବିରୋଧ କରି ଜିଲ୍ଲାପାଳଙ୍କ ଅଫିସ ଯାଏ ବିରୋଧ ରାଲି କରିବାକୁ ଆହ୍ୱାନ ଦିଆଯାଇଛି। ଏହକୁ ନେଇ ସ୍ଥାନୀୟ ଅଞ୍ଚଳରେ ୧୪୪ ଧାରା ଜାରି କରାଯାଇଛି।
Powered by Froala Editor