ଅସମ୍ଭବ ଭିଡ଼: ମହାପ୍ରଭୁଙ୍କ ଦର୍ଶନ କଲେ ୫ ଲକ୍ଷ ଭକ୍ତ
ପୁରୀ: ମାଉସୀମା ମନ୍ଦିର ପର୍ଯ୍ୟନ୍ତ ଲମ୍ବିଥିଲା ଭିଡ଼। ରାତି ୧୨ଟାରୁ ପୁରୀରେ ଲାଗିଥିଲା ଅସମ୍ଭବ ଭିଡ଼। ଦିନତମାମ ସମାନ ସ୍ଥିତି। ଇଂରାଜୀ ନୂଆବର୍ଷର ପ୍ରଥମ ଦିନରେ ଶ୍ରୀକ୍ଷେତ୍ର ପୁରୀରେ ରେକର୍ଡ ସଂଖ୍ୟକ ୫ ଲକ୍ଷରୁ ଅଧିକ ଭକ୍ତ ଓ ଶ୍ରଦ୍ଧାଳୁ ମହାପ୍ରଭୁଙ୍କୁ ବାଧାମୁକ୍ତ ଦର୍ଶନ କରିଛନ୍ତି। ୨୦୨୪ ବର୍ଷ ପାଇଁ ରାଜ୍ୟ ତଥା ନିଜ ପାଇଁ ପ୍ରାର୍ଥନା ଜଣାଇଛନ୍ତି ମହାପ୍ରଭୁଙ୍କୁ।
ବରିଷ୍ଠ ନାଗରିକ ଓ ଶିଶୁଙ୍କୁ ସାଥୀରେ ନେଇ ଆସିଥିବା ମହିଳାଙ୍କ ପାଇଁ ସ୍ୱତନ୍ତ୍ର ଧାଡ଼ି ବ୍ୟବସ୍ଥା କରାଯାଇଥିଲା। ସବୁଠାରୁ ବଡ଼ କଥା ଥିଲା, ସହଳ ନୀତିକାନ୍ତି ଓ ଧାର୍ଯ୍ୟ ସମୟ ପୂର୍ବରୁ ମହାପ୍ରସାଦ ପାଇଥିଲେ ଭକ୍ତ। ନିଜେ କେନ୍ଦ୍ରାଞ୍ଚଳ ଆଇଜି ଆଶିଷ ସିଂହ, ପୁରୀ ଜିଲ୍ଲାପାଳ ସମର୍ଥ ବର୍ମା, ଏସ୍ପି କେ. ବିଶାଳ ସିଂହ ଓ ଶ୍ରୀମନ୍ଦିର ପ୍ରଶାସନ ଅଧିକାରୀମାନେ ଉପସ୍ଥିତ ରହି ସ୍ଥିତି ନିୟନ୍ତ୍ରଣ କରିଥିଲେ।
Powered by Froala Editor
