ଶାହରୁଖଙ୍କ ଫିଲ୍ମକୁ ଟକ୍କର ଦେବା ମୁସକିଲ । ହେଲେ ରଣବୀର କପୁରଙ୍କ ଆନିମଲ ଫିଲ୍ମ ବ୍ଲକ୍ ବଷ୍ଟର ହୋଇଛି । ପ୍ରଥମ ଦିନରୁ ହିଁ ଭଲ ଆୟ କରି ଚାଲିଥିବାବେଳେ ସୁପରଡୁପର ହିଟ୍ ହୋଇଛି ।

'ଆନିମଲ୍'ର ଦ୍ୱିତୀୟ ଦିନର ରୋଜଗାର 'ଜବାନ'କୁ ପଛରେ ପକେଇ ଦେଇଛି। ପ୍ରାଥମିକ ତଥ୍ୟ ଅନୁଯାୟୀ, ଦ୍ୱିତୀୟ ଦିନରେ 'ଆନିମଲ୍' ୬୬ କୋଟି ଟଙ୍କା ରୋଜଗାର କରିଛି। ଫଳରେ ରଣବୀର କପୁରଙ୍କ ଫିଲ୍ମ ଦୁଇ ଦିନରେ ୧୦୦ କୋଟି ଟଙ୍କା ଅତିକ୍ରମ କରି ୧୨୯.୮୦ କୋଟି ଟଙ୍କା କଲେକ୍ସନ କରିଛି। ପ୍ରଥମ ଦିନରେ 'ଆନିମଲ୍' ୬୩.୮ କୋଟି ଟଙ୍କା ରୋଜଗାର କରିଥିଲା। ସେଥିମଧ୍ୟରୁ ହିନ୍ଦୀରେ ୫୪.୭୫ କୋଟି ଟଙ୍କା ଥିବା ବେଳେ ତେଲୁଗୁ ଭାଷାରେ ୮.୫୫ କୋଟି, କନ୍ନଡରେ ୯ ଲକ୍ଷ, ତାମିଲରେ ୪ ଲକ୍ଷ ଏବଂ ମାଲାୟାଲମ୍‌ରେ ୧ ଲକ୍ଷ ଟଙ୍କା ଥିଲା।

ସେହିପରି ସାରା ଦୁନିଆରେ ଫିଲ୍ମ ଦୁଇ ଦିନରେ ୨୩୬ କୋଟି ଟଙ୍କା ପାର୍ କରିଛି। ପ୍ରଥମ ଦିନରେ 'ଆନିମଲ୍' ସାରା ବିଶ୍ୱରେ ୧୧୬ କୋଟି ଟଙ୍କା ରୋଜଗାର କରିଥିଲା। କୁହାଯାଏ ଯେ ଫିଲ୍ମର ମୋଟ୍ ବଜେଟ୍ ୧୦୦ କୋଟି। ଏହି ହିସାବରେ ଫିଲ୍ମ ଦୁଇ ଦିନରେ ଦୁଇ ଗୁଣା ରୋଜଗାର କରିସାରିଲାଣି।

ତଥ୍ୟ ଅନୁଯାୟୀ, ଦ୍ୱିତୀୟ ଦିନରେ 'ଜବାନ' ୬୩.୫୦ କୋଟି ଟଙ୍କା ରୋଜଗାର କରିଥିଲା। କିନ୍ତୁ ଦ୍ୱିତୀୟ ଦିନରେ ରୋଜଗାର ଦୃଷ୍ଟିରୁ ଫିଲ୍ମ 'ଜବାନ'କୁ ପଛରେ ପକେଇଦେଇଛି। 

Powered by Froala Editor