ମହିଳାଙ୍କ ସାହାସ : ଗୁଳି ମାଡ କରୁଥିବା ଦୁର୍ବୃତ୍ତଙ୍କୁ ଝାଡ଼ୁ ଧରି ଗୋଡ଼ାଇଲେ
ହରିୟାଣାର ଭିବାନୀରୁ ଭାଇରାଲ ହେଉଛି ଏକ ଭିଡିଓ। ଭିଡିଓରେ ଦେଖାଯାଉଛି, ସମୟ ସକାଳ ୭ଟା। ବାଇକରେ ୪ ଜଣ ଦୁର୍ବୃତ୍ତ ଆସିଲେ। ଏହି ସମୟରେ ଘର ବାହାରେ ଠିଆ ହୋଇଥିଲେ ହରିକୃଷ୍ଣ ନାମକ ଜଣେ ବ୍ୟକ୍ତି। ରବି ବକ୍ସର ହତ୍ୟା ମାମଲାରେ ହରି ଅଭିଯୁକ୍ତ ଅଛନ୍ତି। ଏହି ହତ୍ୟା ମାମଲାରେ ହରି ବାହାରେ ଅଛନ୍ତି। ସେ ଭିବାନୀର ଡାବର କଲୋନୀରେ ବସବାସ କରୁଛନ୍ତି।
ତାଙ୍କ ସହ କିଛି କଥାବାର୍ତ୍ତା ହେବା ପରେ ଦୁର୍ବୃତ୍ତମାନେ ହଠାତ୍ ହରିକୃଷ୍ଣଙ୍କ ଉପରେ ୪ରୁ ୫ ରାଉଣ୍ଡ ଗୁଳିମାଡ଼ କରିଥିଲେ। ହେଲେ ଜୀବନ ବିକଳରେ ଘର ଭିତରକୁ ଦୌଡି ପଳାଇଥିଲେ ହରିକୃଷ୍ଣ। ସେପଟେ ଗୁଳି ଫୁଟିବା ଶବ୍ଦ ଶୁଣି ପଡୋଶୀ ଘର ଜଣେ ମହିଳା ଅତି ସାହସର ସହ ଝାଡୁ ଧରି ଦୁର୍ବୃତ୍ତଙ୍କ ଉପରକୁ ମାଡ଼ି ଆସିଥିଲେ। ଏହା ଦେଖି ଘଟଣାସ୍ଥଳରୁ ଫେରାର ହୋଇଯାଇଥିଲେ ୪ ଦୁର୍ବୃତ୍ତ। ଶୁଟର୍ସଙ୍କ ମଧ୍ୟରୁ ଜଣେ ତାଙ୍କୁ ଶୁଟ୍ କରିବାକୁ ଉଦ୍ୟମ କରୁଥିଲେ ହେଁ ସେ ଭୟ ନ କରି ସେମାନଙ୍କୁ ପଳାୟନ କରିବାକୁ ବାଧ୍ୟ କରିଥିଲେ। ଏହି ପୂରା ଘଟଣାର ଭିଡିଓ ଏବେ ସାମ୍ନାକୁ ଆସିଛି। ସୋଶାଲ ମିଡିଆରେ ଏହି ଭିଡିଓ ଭାଇରାଲ ମଧ୍ୟ ହେଉଛି।
Powered by Froala Editor
