ଏସ୍ଆଇଟି ବୈଠକ ଶେଷ
କଟକ : ଶେଷ ହେଲା ଏସ୍ଆଇଟି ବୈଠକ । କଟକରେ ଜଷ୍ଟିସ୍ ଅରିଜିତ ପଶାୟତଙ୍କ ଅଧ୍ୟକ୍ଷତାରେ ବସିଥିବା ବୈଠକ ଶେଷ ହୋଇଛି । ଏହି ବୈଠକରେ ପ୍ରବର୍ତ୍ତନ ନିର୍ଦ୍ଦେଶାଳୟ, ସିବିଆଇ, ଆୟକର ବିଭାଗ, ରେଭିନ୍ୟୁ ଇଣ୍ଟିଲେଜେନ୍ସି, ରାଜ୍ୟ କ୍ରାଇମ୍ବ୍ରାଞ୍ଚ୍, ଭିଜିଲାନ୍ସ ବିଭାଗ, ଖଣି ବିଭାଗ, ବାଣିଜ୍ୟକର ବିଭାଗର ବରିଷ୍ଠ ଅଧିକାରୀମାନେ ଯୋଗଦେଇଥିବାର ସୂଚନା ମିଳିଛି ।
ଖବର ଅନୁଯାୟୀ, କଳାଧନ ସଂପର୍କିତ ମଙ୍ଗଳବାର ଦିନ କଟକ ସ୍ଥିତ ଜଷ୍ଟିସ୍ ଅରିଜିତ ପଶାୟତଙ୍କ ବାସଭବନରେ ବସିଥିଲା ବୈଠକ । ଏହି ବୈଠକରେ କଳାଧନ ଠୁଳ ହେଉଥିବାର ସୁତ୍ରକୁ ଏବ ତ୍ୱାରନ୍ୱିତ କରାଯାଉଛି । ଆସନ୍ତା ୩ ମାସ ମଧ୍ୟରେ ରିପୋର୍ଟ ଦେବେ ଜଷ୍ଟିସ୍ ପଶାୟତ । ଏବେ ସୁଦ୍ଧା ୮ଟି ଅନ୍ତରୀଣ ରିପୋର୍ଟ ଦାଖଲ ହୋଇସାରିଛି। ଦେଶରେ କଳାଧନକୁ ରୋକିବାକୁ ହେଲେ ସମସ୍ତ ବିଭାଗ ମଧ୍ୟରେ ସମନ୍ୱୟ ରହିବା ଜରୁରୀ । ତେଣୁ ଆଗାମୀ ଦିନରେ ସମସ୍ତ ବିଭାଗ ମଧ୍ୟରେ ସମନ୍ୱୟ ପାଇଁ ପରାମର୍ଶ ଦେଇଛନ୍ତି ଜଷ୍ଟିସ୍ ପଶାୟତ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଗଠିତ ହୋଇଛି ଏସ୍ଆଇଟି ।
Powered by Froala Editor
