ଭୟଙ୍କର, ରହସ୍ୟମୟ : ‘କାନ୍ତାରା ଚାପ୍ଟର-୧’ର ଟିଜର୍ ରିଲିଜ୍
‘କାନ୍ତାରା ଚାପ୍ଟର-୧’ର ପ୍ରଥମ ଲୁକ୍ ରିଲିଜ୍ ହୋଇଛି। ଟିଜରରେ ଅଭିନେତା ତଥା ନିର୍ଦ୍ଦେଶକ ରିଷବ ଶେଟ୍ଟୀଙ୍କୁ ଭୟଙ୍କର ଏବଂ ଆକର୍ଷଣୀୟ ରୂପରେ ଦର୍ଶାଯାଇଛି। ଟିଜର ଦେଖିବା ପରେ ଏହା ପ୍ରଥମ ଫିଲ୍ମ ଅପେକ୍ଷା ଅଧିକ ରହସ୍ୟମୟ ଏବଂ ଚମତ୍କାର ହେବ ବୋଲି ଦର୍ଶକ କହିବା ଆରମ୍ଭ କଲେଣି।
‘କାନ୍ତାରା ଚାପ୍ଟର-୧’ ହେଉଛି ଏକ ପ୍ରିକ୍ୱେଲ୍। ଅର୍ଥାତ୍, ଫିଲ୍ମର ପ୍ରଥମ ଭାଗରେ ଦର୍ଶକ ଯାହା ଦେଖିଥିଲେ, ତା’ ପୂର୍ବରୁ କ’ଣ ସବୁ ଘଟିଥିଲା, ତାହା ଚାପ୍ଟର-୧ରେ ଦେଖିବେ ଦର୍ଶକ। ଗଣମାଧ୍ୟମର ରିପୋର୍ଟ ଅନୁଯାୟୀ, ନିର୍ମାତାମାନେ କର୍ଣ୍ଣାଟକର କୁଣ୍ଡାପୁରାର ଏକ ପ୍ରାଚୀନ ମନ୍ଦିରରେ ‘କାନ୍ତାରା ଚାପ୍ଟର-୧’ ର ପ୍ରଥମ ଲୁକ୍ ରିଲିଜ୍ କରିଥିଲେ। ରିଷବଙ୍କୁ ଭୟଭୀତ ଜଙ୍ଗଲରେ ଦୌଡୁଥିବା ଦେଖାଯିବା ସହିତ ଟିଜର ଆରମ୍ଭ ହୁଏ। ବ୍ୟାକ୍ଗ୍ରାଉଣ୍ଡରେ ଏକ ଭୟଙ୍କର ସଙ୍ଗୀତ ମଧ୍ୟ ଶୁଣା ଯାଉଛି ।
ଗତ ବର୍ଷ ଫିଲ୍ମ ‘କାନ୍ତାରା’ବିଶ୍ୱ ସ୍ତରରେ ଜବରଦସ୍ତ ପ୍ରଦର୍ଶନ କରିଥିଲା। ଚଳଚ୍ଚିତ୍ରର କାହାଣୀ ଏବଂ ଅଭିନେତାଙ୍କ ଅଭିନୟ ଦର୍ଶକଙ୍କୁ ପାଗଳ କରିଦେଇଥିଲା ।ବର୍ତ୍ତମାନ ପ୍ରଥମ ଭାଗ ପରେ ପ୍ରଶଂସକମାନେ ଉତ୍ସାହର ସହିତ ଫିଲ୍ମର ପରବର୍ତ୍ତୀ ଭାଗକୁ ଅପେକ୍ଷା କରିଛନ୍ତି । ଆସନ୍ତା ବର୍ଷ ହିନ୍ଦୀ ଏବଂ କନ୍ନଡ, ତାମିଲ, ତେଲୁଗୁ, ମାଲାୟାଲମ, ଇଂରାଜୀ ଏବଂ ବଙ୍ଗଳା ସମେତ ୭ଟି ଭାଷାରେ ‘କାନ୍ତାରା ଚାପ୍ଟର ୧’ ରିଲିଜ ହେବ। ଡିସେମ୍ବର ଶେଷ ସୁଦ୍ଧା ଫିଲ୍ମର ଶୁଟିଂ ଆରମ୍ଭ ହେବ।
Powered by Froala Editor
