ବିଶ୍ୱକପ୍‌ ୨୦୨୩ର ପ୍ରଥମ ସେମିଫାଇନାଲରେ ବିରାଟ କୋହଲି ୫୦ତମ ଶତକ ହାସଲ କରିଛନ୍ତି। କୋହଲିଙ୍କ ଶତକ ଦେଖି ଷ୍ଟାଡିୟମରେ ଉପସ୍ଥିତ ଥିବା ସ୍ତ୍ରୀ ଅନୁଷ୍କା ଶର୍ମା ଖୁସିରେ ଝୁମି ଉଠିଛନ୍ତି। ଶହେ ସ୍କୋର କରିବା ପରେ ବିରାଟ କୋହଲି ଷ୍ଟାଣ୍ଡରେ ବସିଥିବା ଅନୁଷ୍କା ଶର୍ମାଙ୍କୁ ଫ୍ଲାଇଂ କିସ୍ ଦେଇଥିଲେ । ଏହାର ରିପ୍ଲାଏରେ ଅନୁଷ୍କା ଶର୍ମା ବିରାଟ କୋହଲିଙ୍କୁ ଫ୍ଲାଇଂ କିସ୍ ବି ଦେଇଥିଲେ । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।

ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମରେ ଖେଳାଯାଉଥିବା ବିଶ୍ୱକପ୍‌ ସେମିଫାଇନାଲରେ କୋହଲି ୫୦ତମ ଶତକ ହାସଲ କରିଛନ୍ତି। ସେମି ମୁକାବିଲା ଦେଖିବାକୁ ମୈଦାନରେ ଏକାଠି ହୋଇଥିଲେ ଅନେକ ଷ୍ଟାର କାଷ୍ଟ । ବିଶେଷକରି ଖେଳାଳିଙ୍କ ସ୍ତ୍ରୀମାନେ ବି ବସିଥିଲେ । ଆଉ ବିରାଟଙ୍କ ପ୍ରତିଟି ମୁହୂର୍ତ୍ତକୁ ଚିଅର ଅପ କରିବାକୁ ପଛାଇନଥିଲେ ଅନୁଷ୍କା । ବିରାଟ କୋହଲି ୧୧୩ ବଲରେ ୧୧୭ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ । ସେ ତାଙ୍କ ଇନିଂସରେ ୯ ଟି ଚୌକା ଓ ୨ ଛକା ମାରିଥିଲେ ।

ଆଉ ଶତକ କରିବା ପରେ ବଦଳିଯାଇଥିଲେ ସବୁକିଛି । ଯେତିକି ଖୁସି ଥିଲେ ବିରାଟ । ତାଠରୁ ଡବଲ ଖୁସି ଥିଲେ ପତ୍ନୀ ଅନୁଷ୍କା । ଆଉ ଏହି ଖୁସିରେ ଆଖିରୁି ଝରିପଡିଥିଲା ଲୁହ । ଯାହା କଏଦ ହୋଇଥିଲା କ୍ୟାମେରାରେ । ସେ ଆଉଟ୍‌ ହେବା ପରେ ସେଲିବ୍ରିଟିଙ୍କଠାରୁ ଆରମ୍ଭ କରି ପ୍ରଶଂସକଙ୍କ ପର୍ଯ୍ୟନ୍ତ ସମସ୍ତେ ଛିଡା ହୋଇ ତାଙ୍କୁ ଶୁଭେଚ୍ଛା ଜଣାଇଥିଲେ।

Powered by Froala Editor