ଖୁଦ୍ରାସ୍ଫୀତି ୪.୮୭% ଖସିଲା, ୪ ମାସରେ ସର୍ବନିମ୍ନ
![ଖୁଦ୍ରାସ୍ଫୀତି ୪.୮୭% ଖସିଲା, ୪ ମାସରେ ସର୍ବନିମ୍ନ](https://odishanewslens.com/news_gallery/25893_1699902926.jpg)
ଅକ୍ଟୋବର ୨୦୨୩ ରେ ସର୍ବନିମ୍ନ ସ୍ତରରେ ପହଞ୍ଚିଛି ଖୁଚୁରା ମୁଦ୍ରାସ୍ଫୀତି। ଅକ୍ଟୋବର ମାସରେ ଖୁଦ୍ରାସ୍ଫୀତି ୪.୮୭% ରହିଛି। ଏହା ୪ ମାସ ମଧ୍ୟରେ ସର୍ବନିମ୍ନ। ଖାଦ୍ୟ ସାମଗ୍ରୀର ଦାମ ହ୍ରାସ ପାଇବା ଯୋଗୁ ମୁଦ୍ରାସ୍ଫୀତି ହାରରେ ସୁଧାର ଆସିଥିବା ସରକାର କହିଛନ୍ତି।
ଜୁଲାଇ ୨୦୨୩ ପରେ କ୍ରମାଗତ ତୃତୀୟ ମାସ ପାଇଁ ଖୁଚୁରା ମୁଦ୍ରାସ୍ଫୀତି ହ୍ରାସ ପାଇଛି। ଖାଦ୍ୟ ସାମଗ୍ରୀର ମୂଲ୍ୟ ହ୍ରାସ ହେତୁ ଅକ୍ଟୋବର ୨୦୨୩ ରେ ଗ୍ରାହକ ମୂଲ୍ୟ ସୂଚକାଙ୍କ ୪.୮୭ ପ୍ରତିଶତକୁ ଖସି ଆସିଛି, ଯାହା ସେପ୍ଟେମ୍ବର ମାସରେ ୫.୦୨ ପ୍ରତିଶତ ଥିଲା। ଏହାପୂର୍ବରୁ ଅଗଷ୍ଟ ମାସରେ ଖୁଚୁରା ମୁଦ୍ରାସ୍ଫୀତି ୬.୮୩ ପ୍ରତିଶତରେ ଏବଂ ଜୁଲାଇ ମାସରେ ୧୫ ମାସର ଉଚ୍ଚତାରେ ୭.୪୪ ପ୍ରତିଶତ ରହିଥିଲା।
୨୦୨୨ ଅକ୍ଟୋବର ମାସରେ ଖୁଚାର ମୁଦ୍ରାସ୍ଫୀତି ୬.୭୭% ରେକର୍ଡ କରାଯାଇଥିଲା। ଅକ୍ଟୋବର ମାସରେ ଗ୍ରାମୀଣ ଅଞ୍ଚଳରେ ଖୁଚୁରା ମହଙ୍ଗା ହାର ୫.୧୨ ପ୍ରତିଶତ ଥିଲା ଏବଂ ଖାଦ୍ୟ ମହଙ୍ଗା ହାର ୬.୭୧ ପ୍ରତିଶତ ଥିଲା। ଯେତେବେଳେ ସହରୀ ଅଞ୍ଚଳରେ ଏହା ୪.୬୨ ପ୍ରତିଶତ ଥିଲା ଏବଂ ଖାଦ୍ୟ ମହଙ୍ଗା ହାର ୬.୩୫ ପ୍ରତିଶତ ଥିଲା। ଅର୍ଥାତ ଉଭୟ କ୍ଷେତ୍ରରେ ଗ୍ରାମୀଣ ଅଞ୍ଚଳରେ ଅଧିକ ରହିଥିଲା।
Powered by Froala Editor