ଟ୍ୟାନିଂ ସମସ୍ୟା ଦୂର କରିବ କଫି
ସୂର୍ଯ୍ୟକିରଣର ସଂସ୍ପର୍ଶରେ ଆସିବା ଦ୍ୱାରା ଟ୍ୟାନିଂ ସମସ୍ୟା ଦେଖାଯାଏ। ଏହା ଚର୍ମର ବାହ୍ୟ ସ୍ତରକୁ କ୍ଷତି ପହଞ୍ଚାଏ। ଚର୍ମର ରଙ୍ଗ ମଧ୍ୟ ମଳିନ ହୁଏ। ଯଦିଓ ସ୍କିନ୍ ଟ୍ୟାନିଂକୁ କମ୍ କରିବା ପାଇଁ ବଜାରରେ ଅନେକ ପ୍ରଡକ୍ଟ ଉପଲବ୍ଧ। କିନ୍ତୁ ଏଥିମଧ୍ୟରୁ କିଛି ମହଙ୍ଗା ହୋଇଥିବା ବେଳେ ଆଉ କେତେକରେ ଏତେ ପରିମାଣର କେମିକାଲ ରହିଥାଏ ଯାହା ଚର୍ମକୁ କ୍ଷତି ପହଞ୍ଚାଏ।
କଫି ପାଉଡର,ମହୁ , କଞ୍ଚା କ୍ଷୀର ସମସ୍ତ ଜିନିଷକୁ ଏକ ପାତ୍ରରେ ମିଶାନ୍ତୁ । ପେଷ୍ଟ ପ୍ରସ୍ତୁତ ହୋଇଗଲେ ଏହାକୁ ମୁହଁରେ ଲଗାଇ ୧୦ ରୁ ୧୫ ମିନିଟ୍ ପର୍ଯ୍ୟନ୍ତ ଛାଡିଦିଅନ୍ତୁ। କିଛି ସମୟ ପରେ, ସର୍କୁଲାର ମୋସନରେ ମୁହଁକୁ ମାଲିସ୍ କରନ୍ତୁ ଏବଂ ମୁହଁକୁ ଧୋଇ ଦିଅନ୍ତୁ। ଏହା ଚର୍ମର ମଇଳା, ଡେଡ୍ ସ୍କିନ୍ କୁ ଦୂର କରିଥାଏ। ସପ୍ତାହରେ ଦୁଇରୁ ତିନି ଥର ପ୍ରୟୋଗ କଲେ ଶୀଘ୍ର ଲାଭ ମିଳିଥାଏ।
ଚର୍ମରେ ପ୍ରାକୃତିକ ଚମକ ଆଣିବା ଏବଂ ଟ୍ୟାନିଂ ହଟାଇବା ପାଇଁ ଆପଣ କଫି ଏବଂ ଅଲିଭ୍ ଅଏଲରେ ନିର୍ମିତ ଫେସ୍ ପ୍ୟାକ୍ ମଧ୍ୟ ଲଗାଇ କରିପାରିବେ। ଏଥିପାଇଁ ଆପଣ ଅଲିଭ୍ ଅଏଲ ଓ କଫିକୁ ଭଲ ଭାବରେ ମିଶ୍ରଣ କରନ୍ତୁ। ଏହାକୁ ମୁହଁରେ ଲଗାଇ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ଛାଡିଦିଅନ୍ତୁ। ଏହା ପରେ ସାଧା ପାଣିରେ ମୁହଁ ଧୋଇ ଦିଅନ୍ତୁ।
କଫି ଚେହେରାକୁ ଭଲ ଭାବରେ ସ୍କ୍ରବ୍ କରିବା ପାଇଁ କାମ କରେ। ଏହା ମଧ୍ୟ ପିଗମେଣ୍ଟେସନ୍ ସମସ୍ୟାକୁ ଦୂର କରିଥାଏ। ଏକ ପାତ୍ରରେ ଏକ ଚାମଚ କଫି, ହଳଦୀ ଏବଂ ଦହି ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହାକୁ ମୁହଁରେ ଲଗାଇ ୨୦ ମିନିଟ୍ ପାଇଁ ଛାଡି ଦିଅନ୍ତୁ। ତା’ପରେ ପାଣିରେ ମୁହଁ ଧୋଇ ଦିଅନ୍ତୁ। ସପ୍ତାହରେ ଦୁଇଥର ଏହି ପ୍ୟାକ୍ ଲଗାଇବା ଲାଭଦାୟକ ହୋଇଥାଏ।
Powered by Froala Editor