ଟିକେଟ ମାଗନ୍ତୁନି, ଦୟା କରି ଘରେ କ୍ରିକେଟର ମଜା ନୁଅନ୍ତୁ : କୋହଲି
![ଟିକେଟ ମାଗନ୍ତୁନି, ଦୟା କରି ଘରେ କ୍ରିକେଟର ମଜା ନୁଅନ୍ତୁ : କୋହଲି](https://odishanewslens.com/news_gallery/24930_1696449842.jpg)
ଆରମ୍ଭ ହେବାକୁ ଯାଉଛି କ୍ରିକେଟ୍ ବିଶ୍ୱକପ ମହାକୁମ୍ଭ । ତେବେ ବିଶ୍ୱକପ୍ ପୂର୍ବରୁ କୋହଲିଙ୍କର ଇନଷ୍ଟାଗ୍ରାମରେ ଏକ ପୋଷ୍ଟ ଭାଇରାଲ ହେବାରେ ଲାଗିଛି । କୋହଲି ପୋଷ୍ଟ ସେୟାର କରି ଲେଖିଛନ୍ତି, ବିଶ୍ୱକପ୍ ପାଖେଇ ଆସୁଛି । କିନ୍ତୁ ମୁଁ ମୋର ବନ୍ଧୁଙ୍କୁ ବିନମ୍ରତାର ସହ କହିବାକୁ ଚାହୁଁଛି ଯେ, ଟୁର୍ଣ୍ଣାମେଣ୍ଟ ସମୟରେ ମୋତେ କେହି ଟିକେଟ ପାଇଁ ଅନୁରୋଧ କରିବେନି । ଦୟାକରି ନିଜ ଘରେ ବସି ମ୍ୟାଚର ମଜା ଉଠାନ୍ତୁ ।
କେବଳ ବିରାଟ ନୁହାଁନ୍ତି ପତ୍ନୀ ଅନୁଷ୍କା ବି ସମାନ କଥା ଲେଖିଛନ୍ତି । ସେ କହିଛନ୍ତି ମୁଁ ମଧ୍ୟ ଏଥିରେ ଗୋଟିଏ କଥା ଯୋଡିବାକୁ ଚାହୁଁଛି । ଯଦି ଆପଣଙ୍କର ମେସେଜର ଉତ୍ତର ମିଳୁନି ତେବେ ମୋତେ ମଧ୍ୟ ଟିକେଟ ପାଇଁ ଅନୁରୋଧ କରିବେ ନାହିଁ । ଧନ୍ୟବାଦ ସମସ୍ତଙ୍କୁ ଆମକୁ ବୁଝୁଥିବାରୁ ।
ସୂଚନା ଅନୁଯାୟୀ, ଉଦଘାଟନୀ ମ୍ୟାଚରେ ମୁହାଁମୁହିଁ ହେବାକୁ ଯାଉଛନ୍ତି ଗତ ସିଜନର ଫାଇନାଲିଷ୍ଟ ଇଂଲଣ୍ଡ ଏବଂ ନ୍ୟୁଜିଲାଣ୍ଡ । ତେବେ ଏହି ମ୍ୟାଚ ପୂର୍ବରୁ ନ୍ୟୁଜିଲାଣ୍ଡର ଅଧିନାୟକ କେନ୍ ୱିଲିୟମସନ୍ ଦଳରୁ ବାଦ୍ ପଡ଼ିଛନ୍ତି । ପ୍ରକୃତ ଘଟଣା ହେଉଛି ସେ ଏପର୍ଯ୍ୟନ୍ତ ସୁସ୍ଥ ହୋଇ ପାରିନାହାନ୍ତି । ଆଗାମୀ ମ୍ୟାଚ ପୂର୍ବରୁ ସେ ସମ୍ପୂର୍ଣ୍ଣ ସୁସ୍ଥ ହୋଇ କମବ୍ୟାକ କରିପାରିବେ ବୋଲି ଆଶା କରାଯାଉଛି ।
Powered by Froala Editor