ଶିଖ-ହଙ୍ଗେରୀ ଚିତ୍ରକାର ଅମୃତା ଶେର୍-ଗିଲଙ୍କ ଏକ ଚିତ୍ରକଳା ୬୧ କୋଟି ୮ ଲକ୍ଷ ଟଙ୍କାରେ ନିଲାମ ହୋଇଛି। ୧୯୩୭ର ଅଏଲ୍-ଅନ୍-କାନଭାସ 'ଦ ଷ୍ଟୋରୀ ଟେଲର୍' ଚିତ୍ରକୁ ନିଲାମ କରାଯାଇଛି। ଯାହାକି ଏକ ରେକର୍ଡ । ପୂର୍ବରୁ କୌଣସି ଭାରତୀୟଙ୍କ ଫଟୋଚିତ୍ର ଏତେ ଟଙ୍କାରେ ବିକ୍ରି ହୋଇନଥିଲା । ସୟଦ ହାୟଦର ରଜାଙ୍କ 'ଗେଷ୍ଟେସନ୍' ୫୧.୭୫ କୋଟିରେ ବିକ୍ରି ହୋଇଥିବା ବେଳେ ଶେର୍-ଗିଲଙ୍କ ଅଏଲ୍-ଅନ୍-କାନଭାସ୍ ୬୧.୮ କୋଟିରେ ବିକ୍ରି ହୋଇଛି।

୧୯୧୩ ମସିହାରେ ଅମୃତା ଶେର୍-ଗିଲ ବୁଦାପେଷ୍ଟରେ ଜନ୍ମ ଗ୍ରହଣ କରିଥିଲେ। ତାଙ୍କ ବାପା ଜଣେ ଭାରତୀୟ ଶିଖ୍ ହୋଇଥିବା ବେଳେ ମାଆ ହଙ୍ଗେରିଆନ୍ ଥିଲେ।
ଅମୃତା ଇକୋଲ୍ ଡେସ୍ ବିକ୍ସ ଆର୍ଟରେ ଅଧ୍ୟୟନ କରିଥିଲେ। ଏଠାରେ ପଢ଼ିବା ସମୟରେ ଅମୃତା ଚିତ୍ରକଳା ପାଇଁ ସ୍ୱର୍ଣ୍ଣ ପଦକ ଜିତିବାରେ ପ୍ରଥମ ଏସୀୟ ଭାବେ କୃତିତ୍ୱ ଅର୍ଜନ କରିଥିଲେ। ଶେର୍-ଗିଲ ୨୫ ବର୍ଷ ବୟସରେ ଭାରତକୁ ଫେରିଥିଲେ। ୧୯୪୧ରେ ମାତ୍ର ୨୮ ବର୍ଷ ବୟସରେ ତାଙ୍କର ମୃତ୍ୟୁ ଘଟିଥିଲା।

ତାଙ୍କୁ ଦେଶର ସବୁଠୁ ମହଙ୍ଗା ଚିତ୍ରକାର ବୋଲି କୁହାଯାଏ। ୧୯୩୭ ପରଠାରୁ, ଶେର୍-ଗିଲଙ୍କ କୃତିତ୍ୱ ୮୪ ଥର ନିଲାମ ହୋଇଛି। ତାଙ୍କର ରେକର୍ଡ ହୋଇଥିବା ସର୍ବ ପୁରାତନ ଆର୍ଟ ଏକ ଗ୍ରାମ ଗୋଷ୍ଠୀ କଳାକୃତି ଉପରେ ଉଦ୍ଦିଷ୍ଟ ଥିଲା, ଯାହା ୧୯୯୨ ପ୍ରାରମ୍ଭରେ ଇଂରାଜୀ ନିଲାମ ହାଉସ୍ Sotheby'sରେ ବିକ୍ରି ହୋଇଥିଲା।

Powered by Froala Editor