ବାହା ହେବାକୁ ଜିଦ କରିବାକୁ ୨୮ ବର୍ଷୀୟ ଲିଭ ଇନ ପାର୍ଟନରଙ୍କୁ ନିର୍ମମ ଭାବେ ହତ୍ୟା କରିଛନ୍ତି ଜଣେ ବ୍ୟକ୍ତି। ମହାରାଷ୍ଟ୍ରର ପାଲଘରରେ ହତ୍ୟାକାଣ୍ଡ ଘଟିଥିବା ବେଳେ ମହିଳାଙ୍କ ମୃତଦେହ ଗୁଜରାଟର ଭାଲସାଦର ଗୋଟିଏ ନାଳରୁ ମିଳିଛି। ହତ୍ୟାରେ ବ୍ୟକ୍ତିଙ୍କୁ ତାଙ୍କ ପତ୍ନୀ ମଧ୍ୟ ସହଯୋଗ କରିଥିଲେ। ଉଭୟ ମୃତଦେହକୁ ଆଟାଚରେ ଭିର୍ତ୍ତି କରି ନାଳରେ ଫିଙ୍ଗି ଦେଇଥିଲେ। 

ମୃତ ମହିଳା ଜଣଙ୍କ ହେଲେ ନୈନା ମାହତ। ସେ ସିନେ ଇଣ୍ଡଷ୍ଟ୍ରୀରେ ମେକ ଅପ କଳାକାର ଭାବେ କାମ କରୁଥିଲେ। ତାଙ୍କର ପ୍ରେମ ସମ୍ପର୍କ ମନୋହର ଶୁକ୍ଳାଙ୍କ ସହ ରହିଥିଲା। କଷ୍ଟ୍ୟୁମ ଡିଜାଇନର ଭାବେ କାମ କରୁଥିବା ମନୋହର ଓ ନୈନା ୫ ବର୍ଷ ହେଲା ଲିଭ ଇନରେ ରହୁଥିଲେ। ନୈନା ମନୋହରଙ୍କୁ ବାହା ହେବାକୁ ବାରମ୍ବାର ଜିଦ୍ ଧରୁଥିଲେ । କିନ୍ତୁ ମନୋହର ପୂର୍ବରୁ ବାହା ହୋଇ ସାରିଥିବାରୁ ଏଥିରେ ରାଜି ହୋଇ ନଥିଲେ।

ତେଣୁ ନୈନା ବାଧ୍ୟ ହୋଇ ମନୋହରଙ୍କ ନାଁରେ ଦୁଷ୍କର୍ମ ମାମଲା ରୁଜୁ କରିଥିଲେ। ପୁଲିସ୍‌ ଏହାର ଯାଞ୍ଚ କରୁଥିବା ବେଳେ ଅଗଷ୍ଟ ୯ରେ ନୈନାଙ୍କୁ ହତ୍ୟା କରିବା ପରେ ମନୋହର ମୃତଦେହକୁ ଫିଙ୍ଗିବା ପାଇଁ ତାଙ୍କ ପତ୍ନୀଙ୍କ ସହାୟତା ନେଇଥିଲେ। ଉଭୟ ଗୋଟିଏ ସୁଟକେସ୍‌ରେ ନୈନାଙ୍କ ମୃତଦେହ ପୂରାଇ ଏହାକୁ ଭାଲସାଦ ସ୍ଥିତ ଗୋଟିଏ ନାଳରେ ଫିଙ୍ଗି ଦେଇଥିଲେ। 

ନୈନାଙ୍କ ପରିବାର ଲୋକ ନିଖୋଜ ମାମଲା କରିଥିଲେ। ପୁଲିସ୍‌ ଯାଞ୍ଚ କରିବା ପରେ ମଙ୍ଗଳବାର ମନୋହର ଓ ତାଙ୍କ ପତ୍ନୀଙ୍କୁ ଗିରଫ କରିଛି। ପୂର୍ବରୁ ମଧ୍ୟ ଏହିପରି ଘଟଣା ଦିଲ୍ଲୀରେ ଘଟିଥିବାବେଳେ ନୈନାଙ୍କ ମୃତ୍ୟୁ ପରେ ଶୋକ ଖେଳିଯାଇଛି । ନୈନା ଜଣେ ମେକଅପ୍ ଆର୍ଟିଷ୍ଟ ଥିବାବେଳେ କ୍ୟାରିୟର କରିବାକୁ ମୁମ୍ବାଇ ଆସିଥିଲେ । ହେଲେ ମନୋହରଙ୍କ ସହ ଅବୈଧ ସମ୍ପର୍କ ତାଙ୍କ କ୍ୟାରିୟନ ବରବାଦ କରିଦେଲା ବୋଲି ପରିବାର ଲୋକ କହିଛନ୍ତି । 

Powered by Froala Editor