ନାଁ ବଦଳାଇଲା ବ୍ଲୁ ଡାର୍ଟ, ରଖିଲା 'ଭାରତ ଡାର୍ଟ'
ଇଣ୍ଡିଆ ବନାମ ଭାରତକୁ ନେଇ ଜାତୀୟ ରାଜନୀତି ସରଗରମ ରହିଛି। ଏ ପ୍ରସଙ୍ଗରେ ଶାସକ ଓ ବିରୋଧୀଙ୍କ ମଧ୍ୟରେ ବାକ୍ ଯୁଦ୍ଧ ଲାଗି ରହିଛି। ତେବେ ଦେଶର ନାମ ଇଣ୍ଡିଆ-ଭାରତ ବିବାଦ ମଧ୍ୟରେ ଖ୍ୟାତନାମା କୋରିଅର୍ ଡେଲିଭର୍ ସର୍ଭିସ୍ ବ୍ଲୁ ଡାର୍ଟ ଏକ୍ସପ୍ରେସ୍ ଲିମିଟେଡ୍ ତା'ର ଏକ ସର୍ଭିସର ନାମ ପରିବର୍ତ୍ତନ କରିଛି। ଏହାର 'ଡାର୍ଟ ପ୍ଲସ୍' ସର୍ଭିସ୍ ନାମକୁ 'ଭାରତ ଡାର୍ଟ'କୁ ପରିବର୍ତ୍ତନ କରିଛି କମ୍ପାନୀ। ଏନେଇ କମ୍ପାନୀ ପକ୍ଷରୁ ଏକ ବିବୃତ୍ତିରେ ଘୋଷଣା କରାଯାଇଛି।
ଭାରତ ଡାର୍ଟ ହେଉଛି ଆମ କମ୍ପାନୀ ଏବଂ ରାଷ୍ଟ୍ର ପାଇଁ ଏକ ନୂତନ ତଥା ରୋମାଞ୍ଚକର ଅଧ୍ୟାୟର ପ୍ରଥମ ପଦକ୍ଷେପ। ଭାରତ ଡାର୍ଟ(ପୂର୍ବରୁ ବ୍ଲୁ ଡାର୍ଟ ନାମରେ ଜଣାଶୁଣା) ଏକ ଭାରତୀୟ ଲୋଜିଷ୍ଟିକ୍ସ କମ୍ପାନୀ, ଯାହା କୋରିଅର୍ ଡେଲିଭରୀ ସେବା ଯୋଗାଇଦିଏ। ଏହାର ମୁଖ୍ୟ କାର୍ଯ୍ୟାଳୟ ମୁମ୍ବାଇରେ ଅବସ୍ଥିତ।
'ବ୍ଲୁ ଡାର୍ଟ'ର ପରିଚାଳନା ନିର୍ଦ୍ଦେଶକ ବାଲଫୋର ମାନୁଏଲ କହିଛନ୍ତି, "ଏହି ରିବ୍ରାଣ୍ଡିଂ (ପୁନଃନାମକରଣ) ଆମ ପାଇଁ ଏକ ରୋମାଞ୍ଚକର ପରିବର୍ତ୍ତନ। ପରିବର୍ତ୍ତନ ଦ୍ୱାରା କମ୍ପାନୀ ଭବିଷ୍ୟତରେ ଏକ ମାଇଲଖୁଣ୍ଟ ପ୍ରତିଷ୍ଠା କରିବ। ଭାରତର ବୃହତ ଆବଶ୍ୟକତା ପୂରଣ କରିବା ପାଇଁ ଆମେ ପ୍ରତିବଦ୍ଧ।
Powered by Froala Editor
