ହାତୀ ସୁରକ୍ଷା ଆଇନର ପରବର୍ତ୍ତୀ ଶୁଣାଣି ୨୫ରେ
ଭୁବନେଶ୍ୱର : ସୋମବାର ହାତୀ ସୁରକ୍ଷା ମାମଲା ଉପରେ ଶୁଣାଣି ପାଇଁ ସମୟ ଧାର୍ୟ୍ୟ ହୋଇଥିଲା । ହାତୀ ସୁରକ୍ଷା ମାମଲାରେ ସୋମବାର ରାଜ୍ୟ ସରକାର ହାଇକୋର୍ଟଙ୍କଠାରୁ ସମୟ ଲୋଡ଼ିଛନ୍ତି । ଗୀତା ରାଉତ ଏବଂ ଅନ୍ୟମାନଙ୍କ ପକ୍ଷରୁ ଆଗତ ମାମଲାରେ ସୋମବାର ହାଇକୋର୍ଟ ସମ୍ମିଳନୀ କକ୍ଷରେ ସ୍ୱତନ୍ତ୍ର ଶୁଣାଣି ହୋଇଥାଆନ୍ତା । ଏଥିପାଇଁ ଆବଶ୍ୟକ ପଦକ୍ଷେପ ନିଆଯାଇ ନଥିବାରୁ ସରକାର ସମୟ ଲୋଡ଼ିଥିଲେ । ମୁଖ୍ୟ ବିଚାରପତି ଜଷ୍ଟିସ୍ ଶୁଭାଶିଷ ତାଳପତ୍ର ଏବଂ ଜଷ୍ଟିସ୍ ସାବିତ୍ରୀ ରଥଙ୍କୁ ନେଇ ଗଠିତ ଖଣ୍ଡପୀଠ ସରକାରଙ୍କ ଆବେଦନକୁ ଗ୍ରହଣ କରି ମାମଲାର ପରବର୍ତ୍ତୀ ଶୁଣାଣି ଆସନ୍ତା ୨୫ ତାରିଖକୁ ଧାର୍ୟ୍ୟ କରିଛନ୍ତି । ଏକ ସ୍ୱତନ୍ତ୍ର ନିଷ୍ପତ୍ତି କ୍ରମେ ହାଇକୋର୍ଟର ଏକ ସମ୍ମିଳନୀ କକ୍ଷରେ ଏହାର ଶୁଣାଣି ପାଇଁ ସ୍ଥିର ହୋଇଥିଲା । କିନ୍ତୁ ଆଜି ଶୁଣାଣି ହୋଇନପାରିବାରୁ ଆସନ୍ତା ୨୫କୁ ପୁନର୍ବାର ସମୟ ଧାର୍ୟ୍ୟ ହୋଇଛି ।
Powered by Froala Editor
