ପ୍ୟାକେଟ ଉପରେ ଲେଖାଥିବା ବିସ୍କୁଟ ସଂଖ୍ୟାଠାରୁ ଗୋଟିଏ ବିସ୍କୁଟ କମ ଥିବାରୁ  ଏଥିପାଇଁ ସଂପୃକ୍ତ ବିସ୍କୁଟ କମ୍ପାନିକୁ ୧ ଲକ୍ଷ ଟଙ୍କାର କ୍ଷତିପୂରଣ ଦେବାକୁ ପଡ଼ିଛି। ୨୦୨୧ରେ, ଚେନ୍ନାଇର ଏମଏମଡିଏର ମାଥୁର ନିବାସୀ ପି ଦିଲିବାବୁ ପଶୁଙ୍କୁ ଖାଇବାକୁ ଦେବା ପାଇଁ ଆଇଟିସି କମ୍ପାନିର ସନଫିଷ୍ଟ ମେରୀ ଲାଇଟ ବିସ୍କୁଟର ଏକ ପ୍ୟାକେଟ କିଣିଥିଲେ। ଯେତେବେଳେ ସେ ପ୍ୟାକେଟ୍‌ ଖୋଲି ବିସ୍କୁଟ ସଂଖ୍ୟା ଗଣିବାକୁ ଲାଗିଲେ ସେଥିରେ ଗୋଟିଏ ବିସ୍କୁଟ କମ୍‌ ଥିବା ଜାଣିବାକୁ ପାଇଥିଲେ। ଅର୍ଥାତ୍‌ ୧୬ଟି ବିସ୍କୁଟ୍‌ ପରିବର୍ତ୍ତେ ପ୍ୟାକେଟରେ ୧୫ଟି ବିସ୍କୁଟ୍‌ ଥିଲା।

ଦିଲିବାବୁ ଏଥିପାଇଁ ସ୍ଥାନୀୟ ଦୋକାନ ନିକଟକୁ ଯାଇ ଅଭିଯୋଗ କରିଥିଲେ। ଏହା ପରେ ସେ ଏହି ଘଟଣା ପାଇଁ ଆଇଟିସିରୁ ସ୍ପଷ୍ଟୀକରଣ ମାଗିଥିଲେ, କିନ୍ତୁ ସେଠାରୁ ତାଙ୍କୁ କୌଣସି ସନ୍ତୋଷଜନକ ଉତ୍ତର ମିଳି ନ ଥିଲା। ଏହା ପରେ ଦିଲିବାବୁ ଏକ ପିଟିସନ ଦାଖଲ କରି କମ୍ପାନୀ ଏବଂ ଏହାକୁ ବିକ୍ରୟ କରୁଥିବା ଦୋକାନ ବିରୋଧରେ ଗ୍ରାହକ ଫୋରମରେ ୧୦୦କୋଟି ଟଙ୍କା କ୍ଷତିପୂରଣ ମାଗିବା ସହ ଅନୁଚିତ ବ୍ୟାପର ବ୍ୟବହାର ପାଇଁ ୧୦କୋଟି ଟଙ୍କା ଜରିମାନା ମାଗିଥିଲେ।

ଗୋଟିଏ ବିସ୍କୁଟ କମ୍‌ ଥିବା ଅଭିଯୋଗ ଆସିିବା ପରେ ତିରୁଭାଲ୍ଲାର ଜିଲ୍ଲା ଉପଭୋକ୍ତା ଫୋରମ୍‌ ଆଇଟିସି ଲିମିଟେଡ୍‌ ଫୁଡ୍‌ ଡିଭିଜନକୁ ଅନ୍ୟାୟ ବାଣିଜ୍ୟ ଅଭ୍ୟାସ ପାଇଁ ୧ ଲକ୍ଷ ଟଙ୍କାର କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି।

Powered by Froala Editor