ବାପା ହେଲେ ଯଶପ୍ରୀତ ବୁମରା
ଭାରତୀୟ କ୍ରିକେଟ ଟିମର ଷ୍ଟାର ଦ୍ରୁତ ବୋଲର ଜସପ୍ରୀତ ବୁମରା ବାପା ହୋଇଛନ୍ତି । ବୁମରାଙ୍କ ପତ୍ନୀ ସଞ୍ଜନା ଶିଶୁପୁତ୍ରକୁ ଜନ୍ମ ଦେଇଛନ୍ତି । ଶ୍ରୀଲଙ୍କାରୁ ଏସିଆ କପ୍ ଛାଡି ମୁମ୍ବାଇ ଫେରିଥିଲେ ବୁମରା । ବାପା ହେବା ନେଇ ବୁମରା ଇନଷ୍ଟାଗ୍ରାମରେ ଫଟୋ ସେୟାର କରି ସୂଚନା ଦେଇଛନ୍ତି । ଫଟୋ ସେୟାର କରି ବୁମରା ଲେଖିଛନ୍ତି, ‘ଛୋଟ ପରିବାର ବଡ ହୋଇଯାଇଛି ‘। ପୁଅର ନାଁ ଅଙ୍ଗଦ ରଖିଥିବା ଲେଖିଛନ୍ତି ବୁମରା । ଆଶାଠୁ ଅଧିକ ଖୁସି ମିଳିଛି । ଅଙ୍ଗଦ ଯଶପ୍ରୀତ ବୁମରାଙ୍କୁ ଦୁନିଆକୁ ସ୍ୱାଗତ ବୋଲି ଲେଖିଛନ୍ତି ବୁମରା ।
ଏହିଠାରେ ସୂଚନା ଯେ ଏସିଆ କପରୁ ନେପାଳ ବିପକ୍ଷ ମ୍ୟାଚ୍ ଛାଡି ବୁମରା ମୁମ୍ବାଇ ପତ୍ନୀଙ୍କ ପାଖକୁ ଫେରିଆସିଥିଲେ । ୩ ଦିନ ମୁମ୍ବାଇରେ ରହିବା ପରେ ପୁଣି ବୁମରା ଏସିଆ କପ୍ ସୁପର-୪ ମ୍ୟାଚ୍ରେ ଉପଲବ୍ଧ ରହିବେ । ବୁମରା ୨୦୧୯ରେ ସଞ୍ଜନାଙ୍କ ସହିତ ଦେଖାହୋଇଥିଲେ । ଏହା ପରେ ୨୦୨୧ ମାର୍ଚ୍ଚ ୧୫ ତାରିଖରେ ବୁମରା ଏବଂ ସଞ୍ଜନାଙ୍କ ବିବାହ ହୋଇଥିଲା ।
Powered by Froala Editor
