ବୋହୂ ଉପରେ ଥିଲା ଶ୍ୱଶୂରର ଖରାପ ନଜର, ମାରିଦେଲା ଶାଶୁ
![ବୋହୂ ଉପରେ ଥିଲା ଶ୍ୱଶୂରର ଖରାପ ନଜର, ମାରିଦେଲା ଶାଶୁ](https://odishanewslens.com/news_gallery/23879_1693070951.jpg)
ନିଜ ବାପ ଘର ଛାଡି ଶ୍ୱଶୂର ଘରକୁ ଆସିବା ପରେ ଝିଅ ଟିଏ ସେହି ଘରକୁ ନିଜର କରି ଚଳିଥାଏ । ବାପା ମା’ଙ୍କ ଠାରୁ ଭଲ ପାଇବା ଆଶା କରେ । ହେଲେ ବାପା ସମାନ ଶ୍ୱଶୂର ଯଦି କୁଦୃଷ୍ଟି ପକାଏ ତେବେ କ’ଣ ସ୍ଥିତି ହେବ । ସେହିଭଳି ଜଣେ ବୋହୂ ଉପରେ ଶ୍ୱଶୂର ଖରାପ ନଜର ରଖିଥିବାରୁ ଶାଶୂ ହତ୍ୟା କରିଛି । ଏପରି କାଣ୍ଡ ଘଟିଛି ଉତ୍ତରପ୍ରଦେଶରେ।
ପୁଲିସର କହିବା ଅନୁସାରେ, ଅଗଷ୍ଟ ୧୪ରେ ଖେଳଣା ବ୍ୟବସାୟୀ ତେଜେନ୍ଦ୍ର ସିଂ(୪୩)ଙ୍କ ରକ୍ତ ଜୁଡୁବୁଡୁ ମୃତଦେହ ଉଦ୍ଧାର କରାଯାଇଥିଲା। ଘର ଅଗଣାରେ ଶୋଇଥିବା ସମୟରେ ଏହି ହତ୍ୟାକାଣ୍ଡ ଘଟିଥିଲା। ଘରେ ପଶି ତାଙ୍କୁ କେହି ହତ୍ୟା କରିଥିବା ଅଭିଯୋଗ କରିଥିଲେ ପରିବାର ଲୋକ। ଏନେଇ ପୁଲିସର ସନ୍ଦେହରେ ଥିଲେ ପରିବାର ଲୋକ।
ତେଜେନ୍ଦ୍ରଙ୍କ ପତ୍ନୀ ମିଥିଲେଶ ଦେବୀ ମଧ୍ୟ ବାରମ୍ୱାର ତାଙ୍କ ବୟାନ୍ ବଦଳାଉଥିଲେ। ତେଣୁ ତାଙ୍କୁ ଥାନାକୁ ନିଆଯାଇ ଜେରା କରାଯାଇଥିଲା। ଏହି ସମୟରେ ସେ ସବୁ ସତ ମାନିଯାଇଛନ୍ତି। ମିଥିଲେଶ କହିଛନ୍ତି ଯେ, ତାଙ୍କ ସ୍ୱାମୀଙ୍କର ୧୯ ବର୍ଷିୟା ବୋହୂ ଉପରେ ଖରାପ ଦୃଷ୍ଟି ଥିଲା। ତାଙ୍କ ସ୍ୱାମୀ ତାଙ୍କୁ ମାଡ଼ ମାରୁଥିଲେ ଏବଂ ବୋହୂକୁ ତାଙ୍କ ସହ ଶାରୀରିକ ସମ୍ପର୍କ ରଖିବାକୁ ମନାଇବା ପାଇଁ ବାଧ୍ୟ କରୁଥିଲେ। ବୋହୂକୁ ବଞ୍ଚାଇବା ପାଇଁ ସ୍ୱାମୀର ଗଳାକାଟି ହତ୍ୟା କରିଥିବା କହିଛନ୍ତି ମିଥଲେଶ।
ମିଥିଲେଶ କହିଛନ୍ତି ଯେ, ତାଙ୍କ ସ୍ୱାମୀଙ୍କ ବ୍ୟବହାର ପୂର୍ବରୁ ବି ଭଲ ନଥିଲା । ସବୁବେଳେ ଅନ୍ୟ ସ୍ତ୍ରୀ ଲୋକଙ୍କ ଉପରେ ଖରାପ ଦୃଷ୍ଟି ପକାଉଥିଲେ । କିନ୍ତୁ ସେ ଜାଣିନଥିଲେ ଯେ, କମ୍ ବୟସର ବୋହୂ ଉପରେ ବି ତାଙ୍କର ନଜର ପଡିବ । ତେଣୁ ସେ ତାଙ୍କୁ ହତ୍ୟା କରି କିଛି ଦୋଷ କରିନାହାନ୍ତି ବୋଲି କହିଛନ୍ତି ।
Powered by Froala Editor