ବିଗ୍ବସ୍ ଓଟିଟି-୨ରେ ଏଲଭିସଙ୍କ ବିଜୟ
ଲକ୍ଷ ଲକ୍ଷ ଭ୍ୟୁୟର୍ସଙ୍କ ମନ କିଣିଥିବା ଥିବା ୟୁଟ୍ୟୁବର ଏଲଭିସ ୟାଦବ ବିଗ୍ବସଙ୍କ ହୃଦୟ ଜିତି ନେଇଛନ୍ତି । ୱାଇଲ୍ଡ କାର୍ଡ ଏଣ୍ଟ୍ରି କରି ବିଗ୍ ବସ୍ ଓଟିଟି ସିଜିନ୍-୨ର ବିଜେତା ହୋଇଛନ୍ତି ଏଲଭିସ। ପୁରସ୍କାର ବାବଦକୁ ତାଙ୍କୁ ବିଗ୍ ବସ୍ ଟ୍ରଫି ସହ ୨୫ ଲକ୍ଷ ଟଙ୍କା ମିଳିଛି। ସେହିପରି ବ୍ଲଗର ଅଭିଷେକ ମଲାନ ପ୍ରଥମ ରନର୍ସ ଅପ୍ ହୋଇଛନ୍ତି ।
୨ ମାସ ତଳେ ଆରମ୍ଭ ହୋଇଥିବା ବିଗ୍ ବସ୍ ଓଟିଟି ୨ରେ ଦୃଢ଼ ପ୍ରତିଦ୍ବନ୍ଦିତା ଦେଖିବାକୁ ମିଳିଥିଲା । ଏହା ଦର୍ଶକଙ୍କୁ ମଧ୍ୟ ପସନ୍ଦ ଆସିଥିଲା। ୪ ସପ୍ତାହ ପରେ ୱାଇଲ୍ଡ କାର୍ଡ ମାଧ୍ୟମରେ ସୋ’ରେ ସାମିଲ ହୋଇଥିବା ଏଲ୍ଭିସ୍ ସମସ୍ତଙ୍କ ହୃଦୟ ଜିଣିବାରେ ସକ୍ଷମ ହୋଇଥିଲେ। ଏଲ୍ଭିସ୍ ଓ ଅଭିଷେକଙ୍କ ଚୁଡାନ୍ତ ପର୍ଯ୍ୟାୟରେ ପହଞ୍ଚିଥିଲେ। ଉଭୟଙ୍କ ମଧ୍ୟରେ ସୋମବାର ଜୋରଦାର ମୁକାବିଲା ହୋଇଥିଲା। ଶେଷରେ ଏଲ୍ଭିସ୍ ବାଜି ମାରି ନେଇଥିଲେ। ଏଲଭିସଙ୍କ ବିଜୟ ପରେ ତାଙ୍କ ଫ୍ୟାନ ସଂଖ୍ୟା ଆହୁରି ବଢିଯାଇଛି । ତାଙ୍କ କ୍ୟୁଟନେସ ପାଇଁ ଯୁବତୀମାନେ ଫିଦା ହୋଇଯାଇଛନ୍ତି ବୋଲି କମେଣ୍ଟରେ ଜଣାଇଛନ୍ତି ।
Powered by Froala Editor
