ହୃଦଘାତରେ କନ୍ନଡ ଅଭିନେତାଙ୍କ ପତ୍ନୀଙ୍କ ବିୟୋଗ
![ହୃଦଘାତରେ କନ୍ନଡ ଅଭିନେତାଙ୍କ ପତ୍ନୀଙ୍କ ବିୟୋଗ](https://odishanewslens.com/news_gallery/23407_1691436055.jpg)
କନ୍ନଡ ସିନେମାର ଅଭିନେତା ବିଜୟ ରାଘବେନ୍ଦ୍ରଙ୍କ ପତ୍ନୀ ସ୍ପନ୍ଦନା ରାଘବେନ୍ଦ୍ରଙ୍କର ବ୍ୟାଙ୍କକରମୃତ୍ୟୁ ହୋଇଥିବା ସୂଚନା ମିଳିଛି। ତାଙ୍କୁ ମାତ୍ର ୪୪ ବର୍ଷ ହୋଇଥିଲା। ସ୍ପନ୍ଦନା ତାଙ୍କ ଭାଇଭଉଣୀଙ୍କ ସହିତ ଥାଇଲ୍ୟାଣ୍ଡ ଯାଇଥିଲେ। ଶୁଟିଂ ଶେଷ କରି ବିଜୟ ରାଘବେନ୍ଦ୍ର ମଧ୍ୟ ସେଠାକୁ ଯାଇଥିଲେ। ମୃତ୍ୟୁ ବେଳକୁ ସ୍ପନ୍ଦନା ବ୍ୟାଙ୍କକରେ ଥିଲେ।
ପ୍ରକାଶିତ ରିପୋର୍ଟ ମୁତାବକ, ସ୍ପନ୍ଦନା ହୃଦଘାତର ଶିକାର ହେବାରୁ ତାଙ୍କର ମୃତ୍ୟୁ ହୋଇଥିବା କୁହାଯାଉଛି। ସ୍ପନ୍ଦନାଙ୍କ ଲୋ ବ୍ଲଡ ପ୍ରେସର ରହିଥିଲା। ଏନେଇ ସେ ଔଷଧ ବି ସେବନ କରୁଥିଲେ। ଲୋ ବ୍ଲଡ ପ୍ରେସର କାରଣରୁ ସ୍ପନ୍ଦନାଙ୍କୁ ହୃଦଘାତ ହୋଇଥିବା ଅନୁମାନ କରାଯାଉଛି।
ସୂଚନାନୁସାରେ, ସ୍ପନ୍ଦନା ପରିବାର ସହିତ ଛୁଟି ପାଇଁ ବ୍ୟାଙ୍କକକୁ ଯାଇଥିଲେ। ସେଠାରେ ସେ ପରିବାର ସହିତ ଖୁବ ମଜା କରୁଥିଲେ। ଖାଇବାକୁ ଆସିବା ସମୟରେ ତାଙ୍କ ଛାତିରେ ଯନ୍ତ୍ରଣା ହୋଇଥିଲା। ଏହାପରେ ସ୍ପନ୍ଦନାଙ୍କୁ ପରିବାରଲୋକ ତୁରନ୍ତ ଡାକ୍ତରଖାନାରେ ଭର୍ତ୍ତି କରିଥିଲେ। କିନ୍ତୁ ସେଠାରେ ଡାକ୍ତର ସ୍ପନ୍ଦନାଙ୍କୁ ମୃତଘୋଷଣା କରିଥିଲେ।
Powered by Froala Editor