'ରଖ ବିଶ୍ୱାସ' ଆସୁଛନ୍ତି ଡମ୍ବରୁଧାରୀ
ଅକ୍ଷୟ କୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ' OMG 2 'ର ଦମଦାର ଟ୍ରେଲର ମୁକ୍ତିଲାଭ କରିଛି।ଫିଲ୍ମରେ ସେନ୍ସର ବୋର୍ଡ ଦ୍ବାରା କିଛି ଦୃଶ୍ୟ ହଟାଯିବାଠୁ ଆରମ୍ଭ କରି ଏହାର ରିଲିଜ୍ ତାରିଖ ପରିବର୍ତ୍ତନ ପର୍ଯ୍ୟନ୍ତ ସମସ୍ତ ଖବରକୁ ନେଇ ବେଶ୍ ଚର୍ଚ୍ଚା ଜାରି ରହିଛି। ଇତି ମଧ୍ୟରେ ଫିଲ୍ମର ଟ୍ରେଲର ରିଲିଜ୍ ହୋଇଛି, ଯାହାକୁ ଦର୍ଶକ ଖୁବ୍ ପସନ୍ଦ କରୁଥିବା ଦେଖିବାକୁ ମିଳିଛି। ଏଥିସହ ଟ୍ରେଲରକୁ ନେଇ ସାମାଜିକ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି। ଟ୍ରେଲର ଶେୟାର କରି ଅକ୍ଷୟ କୁମାର ଲେଖିଛନ୍ତି, ''ସ୍ବାଗତ ପାଇଁ ପ୍ରସ୍ତୁତି ଆରମ୍ଭ କର। ଅଗଷ୍ଟ ୧୧ରେ ଆସୁଛନ୍ତି ଡମ୍ବରୁଧାରୀ। ''
'ରଖ ବିଶ୍ୱାସ' ଟ୍ୟାଗ୍ ଲାଇନ୍ ସହିତ 'OMG 2' ର ଟ୍ରେଲରେ ଅକ୍ଷୟ କୁମାର ଏବଂ ପଙ୍କଜ ତ୍ରିପାଠୀଙ୍କ ଯୋଡି ଧମାଲ ସୃଷ୍ଟି କରିଛି । ଏହି ଚଳଚ୍ଚିତ୍ରରେ ଅକ୍ଷୟ କୁମାରଙ୍କ ଶିବ ଅବତାର ଲୋକଙ୍କ ହୃଦୟ ଜିତିଛି। ଏଥି ସହିତ ଏହି ଚଳଚ୍ଚିତ୍ରରେ ଭକ୍ତ ହୋଇଥିବା ପଙ୍କଜ ତ୍ରିପାଠୀ କାନ୍ତି ଶରଣ ମୁଦଗାଲ ଭୂମିକାରେ ଅଭିନୟ କରିଛନ୍ତି। ଭଗବାନଙ୍କ ଉପରେ କାନ୍ତି ଶରଣ ମୁଦଗାଲଙ୍କ ବିଶ୍ୱାସ ଦେଖି ଲୋକମାନେ 'ହର ହର ମହାଦେବ' ଜପ କରୁଛନ୍ତି। ୟାମି ଗୌତମ ଏହି ଚଳଚ୍ଚିତ୍ରରେ ଜଣେ ଓକିଲ ଭୂମିକାରେ ଅଭିନୟ କରିଛନ୍ତି।
Powered by Froala Editor
