ହ୍ବାଟସ୍ଆପ୍ରେ ଫୋନ୍ ନମ୍ବରକୁ ରଖି ହେବ ଗୋପନ

ହ୍ବାଟସ୍ଆପ୍ରେ ଖୁବ୍ଶୀଘ୍ର ଫୋନ୍ ନମ୍ବରକୁ ଗୋପନ ରଖିବାର ସୁବିଧା ମିଳିବ। କଂପାନି ଏବେ ଏହି ସୁବିଧା ଉପରେ ପରୀକ୍ଷଣ ଜାରି ରଖିଛି। ତାହା ସଫଳ ହେଲେ ସବୁ ବ୍ୟବହାରକାରୀଙ୍କ ପାଇଁ ସେହି ସୁବିଧା କାର୍ଯ୍ୟକାରୀ କରାଯିବ। ବିଶେଷ କରି ହ୍ବାଟସ୍ଆପ୍ ଗ୍ରୁପ୍ରେ ଫୋନ୍ ନମ୍ବରକୁ ଲୁଚାଇ ହେବ।
କୌଣସି ବ୍ୟକ୍ତି ଆପଣଙ୍କ ଫୋନ୍ ନମ୍ବର ଦେଖିପାରିବେନି। ହ୍ବାଟସ୍ଆପ୍ ଏହାର ‘ଫୋନ୍ ନମ୍ବର ପ୍ରାଇଭେସି’ ସୁବିଧା ଉପରେ କାମ କରୁଛି ଯାହା ଉଭୟ ଆଣ୍ଡ୍ରଏଡ୍ ଓ ଆଇଫୋନ୍ ବ୍ୟବହାରକାରୀମାନଙ୍କ ଲାଗି ଉପଲବ୍ଧ ହୋଇଛି। ଏହି ସୁବିଧା ବ୍ୟବହାର କରିବା ଲାଗି ହ୍ବାଟସ୍ଆପ୍ର ସଦ୍ୟତମ ବିଟା ଅପ୍ଡେଟ୍କୁ ଇନଷ୍ଟଲ୍ କରିବାକୁ ପଡ଼ିବ।
ଅପ୍ଡେଟ୍ ପରେ କମ୍ୟୁନିଟିରେ ‘ଫୋନ୍ ନମ୍ବର ପ୍ରାଇଭେସି’ ନାମକ ଏକ ସୁବିଧା ଉପଲବ୍ଧ ଥିବା ଦେଖିବାକୁ ମିଳିବ। ଫୋନ୍ ନମ୍ବର ପ୍ରାଇଭେସି ସୁବିଧାକୁ ବ୍ୟବହାର କଲେ କେବଳ ଗ୍ରୁପ୍ର ଆଡ୍ମିନି ଓ ଯେଉଁମାନଙ୍କ ଫୋନ୍ରେ ନମ୍ବର ସେଭ୍ ହୋଇଥିବ ସେମାନେ ଫୋନ୍ ନମ୍ବର ଦେଖିପାରିବେ।
ଅନ୍ୟମାନଙ୍କ ଲାଗି ନମ୍ବର ଗୋପନ ରହିବ। ଗ୍ରୁପ୍ର ଆଡ୍ମିନ୍ଙ୍କ ନମ୍ବର ସମସ୍ତେ ଦେଖିପାରିବେ। ହ୍ବାଟସ୍ଆପ୍ ପକ୍ଷରୁ ନିୟମିତ ବ୍ୟବଧାନରେ ନୂଆ ନୂଆ ସୁବିଧା ଆରମ୍ଭ କରାଯାଉଛି। ବ୍ୟବହାରକାରୀମାନଙ୍କ ଗୋପନୀୟତାକୁ ବଜାୟ ରଖିବା ଦିଗରେ କଂପାନି ବହୁତ କାମ କରୁଥିବା ଜଣାପଡ଼ିଛି।
Powered by Froala Editor