ମାଛ ଗାଁ କେନାଲ ବନ୍ଧ ଭୁଶୁଡ଼ି ମୁଖ୍ୟ ରାସ୍ତାରେ ଚାଲିଛି ପାଣି
ଜଗତସିଂହପୁର: ମାଛ ଗାଁ କେନାଲ ବନ୍ଧ ଭୁଶୁଡ଼ି ତରିକୁନ୍ଦ ଅଞ୍ଚଳକୁ ପାଣି ଘେରକୁ ନେଇଆସିଛି। ଜଗତସିଂହପୁର-କନ୍ଦରପୁର ମୁଖ୍ୟ ରାସ୍ତା ଉପରେ ବି ପାଣି ଚାଲିଛି । ଫଳରେ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଛି । କାଲି ରାତିରୁ ପ୍ରବଳ ବର୍ଷା ସାଙ୍ଗକୁ ଚାଷ ପାଇଁ କେନାଲରେ ପାଣି ଛଡ଼ା ଯିବା ହେତୁ ଦୁର୍ବଳ ବନ୍ଧରେ ପାଖାପାଖି ୨୫ ଫୁଟର ଘାଇ ହୋଇଛି । ଦଳେଇଘାଇ ପାଖରେ ବି ମାଛ ଗାଁ କେନାଲ ବନ୍ଧ ଧସିଥିବା ଖବର ମିଳିଛି । ବନ୍ଧ ସୁରକ୍ଷାକୁ ନେଇ ବର୍ଷା ପୂର୍ବରୁ ପ୍ରଶାସନ ପକ୍ଷରୁ ସମୀକ୍ଷା ବୈଠକ କରାଯାଇଛି । ନଦୀ ସହ କେନାଲ ବନ୍ଧ ସୃଦୁଢ଼ ଥିବା ଦୃଢ଼ୋକ୍ତି ପ୍ରକାଶ କରାଯାଉଥିଲେ ସୁଦ୍ଧା ଆଜିର ଘଟଣା ଜଳସେଚନ ବିଭାଗର ଅପାରଗତାକୁ ପଦାରେ ପକାଇ ଦେଇଛି । ତରିକୁନ୍ଦରେ କେନାଲ ପାଣିର ଲହଡ଼ା ଯୋଗୁଁ ଆଖପାଖ ଖାଲୁଆ ଜାଗାରେ ପୋଖରୀରେ ଭ୍ରମ ସୃଷ୍ଟି କରିଛି । କିଛି ଦୋକାନ ଘରେ ପାଣି ପଶିଛି। ବହୁ ଲୋକଙ୍କ ଘର ପାଣି ଘେରରେ ରହିଥିବାରୁ ଜନ ଜୀବନ ବିପର୍ୟ୍ୟସ୍ତ ସ୍ଥିତିରେ ପହଞ୍ଚିଛି ।
Powered by Froala Editor
