ଟମାଟୋ ବୋଝେଇ ଟ୍ରକ୍ ସହ ଧକ୍କା ହେଲା କାର୍, ତାପରେ ଏମିତି କାଣ୍ଡ ଘଟାଇଲେ କାରରେ ଥିବା ଯୁବକମାନେ...
ବେଙ୍ଗାଲୁରୁର ଚିକ୍କାଜାଲା ନିକଟରେ ଅଜବ କାଣ୍ଡ ଘଟାଇଛନ୍ତି ଯୁବକମାନେ । ଚିତ୍ରାଦୂର୍ଗା ଜିଲ୍ଲାର ହିରିୟୋରର ଜଣେ କୃଷକ ମଲେଶ ଶନିବାର ଏକ ଟ୍ରକରେ ଟମାଟୋ ଲୋଡ୍ କରି କୋଲାର ଯାଉଥିଲେ। ହଠାତ୍ ଟ୍ରକଟି ଏକ କାର ସହିତ ଧକ୍କା ହୋଇଥିଲା ।ଯେଉଁଥିରେ କାରର କାଚ ଭାଙ୍ଗି ଯାଇଥିଲା।
ଏହାପରେ ଅଭିଯୁକ୍ତମାନେ ଚାଷୀ ଓ ଟ୍ରକ ଡ୍ରାଇଭରକୁ ଦୁର୍ବ୍ୟବହାର କରିବା ସହ କ୍ଷତିପୂରଣ ବାବଦକୁ ଟଙ୍କା ମାଗିଥିଲେ । ଉଭୟଙ୍କ ପାଖରେ ଟଙ୍କା ନଥିବାରୁ ଅଭିଯୁକ୍ତମାନେ ଟ୍ରକକୁ ବଳପୂର୍ବକ ନେଇ ପଳାଇ ଯାଇଥିଲେ। ଟ୍ରକରେ ପ୍ରାୟ ଅଢେଇ ଟନ୍ ଟମାଟୋ ଥିଲା ଯାହାର ମୂଲ୍ୟ ଅଢେଇରୁ ତିନି ଲକ୍ଷ ଟଙ୍କା ହେବ । ପୁଲିସ ଘଟଣାର ତଦନ୍ତ କରୁଥିବାବେଳେ ଅଭିଯୁକ୍ତ ଫେରାର ଅଛନ୍ତି । ଏଭଳି କାଣ୍ଡ ସୋସିଆଲ ମିଡିଆରେ ବି ଭାଇରାଲ ହେଉଛି । ଯୁବକମାନେ ଟମାଟୋର ଚଢା ଦର ଥିବାରୁ ଏଭଳି କାଣ୍ଡ ଘଟାଇଛନ୍ତି । ଏପଟେ ଚାଷୀ ଜଣକ ହାରାଶ ହୋଇପଡିଛନ୍ତି ।
Powered by Froala Editor
