ଟଙ୍କିକିଆ ବିରିୟାନି ପାଇଁ ଦଳାଚକଟା
ମାତ୍ର ୧ ଟଙ୍କାରେ ଚିକେନ୍ ବିରିୟାନି ମିଳୁଛି । ଖବର ଚାହୁଁଚାହୁଁ ପୁରା ସହରରେ ପ୍ରଚାର ହୋଇଗଲା । ଏହାପରେ ଦଳାଚକଟା ଦେଖିବାର ଥିଲା । ଏଭଳି ପରିସ୍ଥିତି ସୃଷ୍ଟି ହୋଇଥିଲା ତେଲେଙ୍ଗାନାର କରିମନଗରରେ ଏକ ସ୍ଥାନୀୟ ହୋଟେଲର ଭବ୍ୟ ଉଦଘାଟନ ଉତ୍ସବରେ ।
ହୋଟେଲର ଅଫର ଥିଲା ଯେଉଁମାନେ ମୁଣ୍ଡ ପିଛା ୧ ଟଙ୍କିଆ ନୋଟ୍ ଆଣିଥିଲେ ସେମାନଙ୍କୁ ବିରିୟାନି ଏବଂ କେବଳ ଗୋଟିଏ ବିରିୟାନୀ ଯୋଗାଇ ଦିଆଯିବ । ପାର୍ସଲ ସମେତ ଶତାଧିକ ପ୍ଲେଟ୍ ବିରିୟାନୀ ଲୋକଙ୍କୁ ଦିଆଯାଇଥିଲା। ତେବେ ରିହାତି ବିରିୟାନିର ମଜା ବିଶୃଙ୍ଖଳିତ ପରିସ୍ଥିତିକୁ ନିମନ୍ତ୍ରଣ କରିଥିଲା । ପ୍ରବଳ ଭିଡ଼ ପରେ ହୋଟେଲ କର୍ମଚାରୀ ବାଧ୍ୟ ହୋଇ ସଟର ବନ୍ଦ କରିଦେଇଥିଲେ। ଉତ୍ତେଜନା ବଢ଼ୁଥିବାରୁ ତେଲେଙ୍ଗାନା ଛକ ନିକଟରେ ଖୋଲିଥିବା ହୋଟେଲ ଏହି ଅଫରକୁ ବନ୍ଦ କରିଦେଇଥିଲେ।
Powered by Froala Editor
