‘ଡିଏମ୍କେ’ ନେତାଙ୍କୁ ସମାଲୋଚନା କରି ‘ବିଜେପି’ ରାଜ୍ୟ ସମ୍ପାଦକ ଗିରଫ
ସୋଶାଲ ମିଡିଆରେ ମିଛ ଖବର ପୋଷ୍ଟ କରିବା ଅଭିଯୋଗରେ ତାମିଲନାଡୁ ପୁଲିସ ରାଜ୍ୟର ଜଣେ ବିଜେପି ନେତାଙ୍କୁ ଗିରଫ କରିଛି। ପରିମଳ ଘଟଣାରେ ଜଣେ ‘ଡିଏମ୍କେ’ ନେତାଙ୍କୁ ‘ଟୁଇଟର୍’ରେ ସମାଲୋଚନା କରିଥିବାରୁ ତାମିଲନାଡୁ ରାଜ୍ୟ ‘ବିଜେପି’ ସମ୍ପାଦକ ଏସ୍. ଜି. ସୂର୍ଯ୍ୟଙ୍କୁ ମଦୁରାଇ ପୁଲିସ ଗିରଫ କରିଛି।
ମଦୁରାଇରେ ନାଳ ସଫା କଲା ବେଳେ ମଳ ପାଣି ସଂସ୍ପର୍ଶରେ ଆସି ଏଲର୍ଜି ହେତୁ ଜଣେ ସଫେଇ କର୍ମଚାରୀଙ୍କ ମୃତ୍ୟୁ ଘଟିଥିବା ନେଇ ସେ ସୋଶାଲ ମିଡିଆରେ ଏକ ଲେଖା ପୋଷ୍ଟ କରିଥିଲେ। ଉକ୍ତ ଟ୍ୱିଟରେ ଏସ୍ଜି ସୂର୍ଯ୍ୟ ଅଭିଯୋଗ କରିଥିଲେ ଯେ ସିପିଆଇ(ଏମ୍) କାଉନସିଲର ବିଶ୍ୱନାଥନ ଉକ୍ତ ସଫେଇ କର୍ମଚାରୀଙ୍କୁ ମଳପାଣିରେ ପଶି କାମ କରିବାକୁ ବାଧ୍ୟ କରିଥିଲେ। ସେହିପରି ଏହି ଘଟଣା ପାଇଁ ସେ ଉକ୍ତ ଟ୍ୱିଟରେ ମଦୁରାଇର ସିପିଆଇ (ଏମ୍) ସାଂସଦ ଏସ୍ୟୁ ଭେଙ୍କଟସାନଙ୍କୁ ମଧ୍ୟ ସମାଲୋଚନା କରିଥିଲେ। ଏଭଳି ଏକ ସମ୍ବେଦନଶୀଳ ଘଟଣାରେ ସେ ନୀରବ ରହିଥିବା ଯୋଗୁ ଏସ୍ଜି ସୂର୍ଯ୍ୟ ତାଙ୍କୁ ସମାଲୋଚନା କରିଥିଲେ। ତେବେ ମଦୁରାଇ ଜିଲ୍ଲା ପୁଲିସ ପକ୍ଷରୁ କୁହାଯାଇଛି ଯେ ତାଙ୍କ ଜିଲ୍ଲାରେ ସେମିତି କିଛି ଘଟଣା ଘଟିନାହିଁ। ମିଥ୍ୟା ସମ୍ବାଦ ପ୍ରସାର କରିଥିବାରୁ ଗିରଫ ହୋଇଥିବା ସୂର୍ଯ୍ୟଙ୍କୁ ରିମାଣ୍ଡ୍ରେ ନେବା ପାଇଁ ମାଜିଷ୍ଟ୍ରେଟ୍ଙ୍କ ଆଗରେ ହାଜର କରାଯାଇଛି।
Powered by Froala Editor
