ବାରହା ଶିକାର ପାଇଁ ବିଛା ଯାଇଥିଲା ବିଦ୍ୟୁତ ତାର, ପ୍ରାଣ ହରାଇଲା ହାତୀ
ବିନିକା: ବାରହା ଫାଶରେ ପଡି ହାତୀ ମୃତ୍ୟୁ। ଜଙ୍ଗଲରେ ବାରହା ଶିକାର କରିବା ପାଇଁ ବିଛା ଯାଇଥିବା ବିଦ୍ୟୁତ ତାର ସ୍ପର୍ଶରେ ଆସିବାରୁ ହାତୀଟି ପ୍ରାଣ ହରାଇଥିବା ସୂଚନା ମିଳିଛି। ଏଭଳି ଅଭାବନୀୟ ଘଟଣା ସୁବର୍ଣ୍ଣପୁର ଜିଲ୍ଲା ବିନିକା ବନବିଭାଗ ଅନ୍ତର୍ଗତ ମହଦା ବାରଡୁଙ୍ଗୁରି ଜଙ୍ଗଲରେ ଘଟି ଘଟଣା ସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ହାତୀ ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।
ସୂଚନା ମୁତାବକ, ସୋମବାର ବିଳମ୍ବିତ ରାତିରେ ଲଛିପୁର ଜଙ୍ଗଲ ପଟରୁ ଏକ ଦନ୍ତା ହାତୀ ମହଦା ପଟକୁ ଆସିଥିବା ବେଳେ ଲୋକେ ବାରହା ଶିକାର କରିବା ପାଇଁ ବିଦ୍ୟୁତ ତାର ବିଛାଇ ଥିଲେ। ସେଥିରେ ହାତୀ ଲାଗିଯାଇ ବିଦ୍ୟୁତ ସ୍ପର୍ଶରେ ଆସିବା ଯୋଗୁଁ ପ୍ରାଣ ହରାଇଛି। ମୃତ ହାତୀର ବୟସ ଆନୁମାନିକ ୧୦ବର୍ଷ ହେବ ବୋଲି ବନବିଭାଗ ତରଫରୁ ସୂଚନା ମିଳିଛି ।
Powered by Froala Editor
