ସୁଟିଂ ପାଇଁ ଯାଇ ଆତ୍ମହତ୍ୟା କଲେ ଭୋଜପୁରୀ ଅଭିନେତ୍ରୀ
![ସୁଟିଂ ପାଇଁ ଯାଇ ଆତ୍ମହତ୍ୟା କଲେ ଭୋଜପୁରୀ ଅଭିନେତ୍ରୀ](https://odishanewslens.com/news_gallery/20433_1679852183.jpg)
ଭୋଜପୁରୀ ଫିଲ୍ମ ଇଣ୍ଡଷ୍ଟ୍ରୀର ଅଭିନେତ୍ରୀ ଆକାଂକ୍ଷା ଦୁବେ ଆତ୍ମହତ୍ୟା କରିଛନ୍ତି । ରବିବାର ଏକ ହୋଟେଲରୁ ଆକାଂକ୍ଷାଙ୍କ ମୃତଦେହ ଠାବ କରାଯାଇଛି । ଅଭିନେତ୍ରୀ ଜଣଙ୍କ ବେକରେ ଫଶି ଲଗାଇ ଆତ୍ମହତ୍ୟା କରିଛନ୍ତି ।
ଆକାଂକ୍ଷା ଉତ୍ତରପ୍ରଦେଶ ଭଦୋହି ଜିଲ୍ଲାର ପାରସିପୁରରେ ରୁହନ୍ତି । ସେ ସୁଟିଂ ପାଇଁ ସେଠାକୁ ଯାଇଥିଲେ । କିନ୍ତୁ ରବିବାର ଦିନ ହୋଟେଲରୁ ତାଙ୍କ ମୃତଦେହ ମିଳିଥିଲା । ଶନିବାର ଦିନ ଆକାଂକ୍ଷା ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଥିଲେ ।
ମିଳିଥିବା ସୂଚନା ମୁତାବକ, ଆକାଂକ୍ଷାଙ୍କ ବୟସ ୨୫ ବର୍ଷ । ସେ ଖୁବ୍ କମ୍ ସମୟ ମଧ୍ୟରେ ଭୋଜପୁରୀ ସିନେମାରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ। ଆକାଂକ୍ଷା ବାରାଣସୀରେ ଭୋଜପୁରୀ ଚଳଚ୍ଚିତ୍ର ‘ନାୟକ’ର ଶୁଟିଂ କରୁଥିଲେ। ଆତ୍ମହତ୍ୟାର କାରଣ ଏପର୍ଯ୍ୟନ୍ତ ଜଣାପଡ଼ି ନାହିଁ। ଅକାଂକ୍ଷାଙ୍କ ଆତ୍ମହତ୍ୟା ଖବର ପ୍ରଚାରିତ ହେବା ପରେ ଭୋଜପୁରୀ ଚଳଚ୍ଚିତ୍ର ଜଗତରେ ଶୋକର ଛାୟା ଖେଳି ଯାଇଛି।
Powered by Froala Editor