ଦିଲ୍ଲୀରେ ପୁଣି ଭୂମିକମ୍ପ
ବୁଧବାର ଦିଲ୍ଲୀରେ ପୁଣିଥରେ ଭୂମିକମ୍ପର ଝଟକା ଅନୁଭୂତ ହୋଇଛି। ସନ୍ଧ୍ୟା ୪.୪୨ରେ ଦିଲ୍ଲୀରେ ଅନୁଭୂତ ହୋଇଥିବା ଭୂମିକମ୍ପର ତୀବ୍ରତା ରେକ୍ଟର ସ୍କେଲରେ ୨.୭ ରହିଥିବା ଜଣାପଡ଼ିଛି।
ନ୍ୟାଶନାଲ ସେଣ୍ଟର ଫର ସେସମୋଲୋଜି (ଏନସିଏସ)ର ରିପୋର୍ଟ ଅନୁଯାୟୀ, ଭୂକମ୍ପର କେନ୍ଦ୍ରସ୍ଥଳ ଆଫଗାନିସ୍ତାନର ଫୈଜାବାଦଠାରୁ ୧୩୩ କିଲୋମିଟର ଦକ୍ଷିଣ-ଦକ୍ଷିଣ ପୂର୍ବରେ ଥିଲା ଏବଂ ଏହାର ଗଭୀରତା ୧୫୬ କିଲୋମିଟର ଥିଲା। ଦିଲ୍ଲୀ ବ୍ୟତୀତ ହରିୟାଣା, ପଞ୍ଜାବ, ରାଜସ୍ଥାନ, ଜମ୍ମୁ କଶ୍ମୀରରେ ମଧ୍ୟ କମ୍ପନ ଅନୁଭୂତ ହୋଇଥିଲା। ଏହି ଝଟକା ସାମାନ୍ୟ ଥିଲେ ବି ଦିଲ୍ଲୀବାସୀ ଭୟଭୀତ ହୋଇଯାଇଛନ୍ତି। ଘର ଭିତରୁ ଲୋକେ ବାହାରକୁ ବାହାରି ଚାଲି ଆସିଥିଲେ। ଏଥିରେ କାହାରି କିଛି କ୍ଷତି ହୋଇ ନଥିବା ଜଣାପଡ଼ିଛି।
Powered by Froala Editor
