ଯୁବତୀଙ୍କୁ ଧକ୍କା ମାରି କ୍ୟାବ୍ରେ ବସାଇଲେ ଯୁବକ
ଦିଲ୍ଲୀର ମଙ୍ଗୋଲ୍ପୁରୀ ଅଞ୍ଚଳରେ ଜଣେ ବ୍ୟକ୍ତି ଜଣେ ଯୁବତୀଙ୍କୁ ବଳପୂର୍ବକ କ୍ୟାବ୍ରେ ବସାଉଥିବାର ୧୭ ସେକେଣ୍ଡ୍ର ଭିଡିଓ ଭାଇରାଲ୍ ହେବାରେ ଲାଗିଛି। ଭିଡିଓ ସଂକ୍ରାନ୍ତରେ ଅବଗତ ହୋଇ ଘଟଣା ଉପରେ ତଦନ୍ତ ଆରମ୍ଭ କରିଥିବା ଦିଲ୍ଲୀ ଆଉଟର୍ ଡିଷ୍ଟ୍ରିକ୍ଟ୍ ‘ଡିସିପି’ କହିଛନ୍ତି, ଗତରାତିରୁ ଭିଡିଓ ଉପରେ ତଦନ୍ତ ଚାଲିଛି। କ୍ୟାବ୍ର ମାଲିକ ଗୁରୁଗ୍ରାମରେ ବାସ କରନ୍ତି। ପୁଲିସ ଟିମ୍ ତାଙ୍କ ସହିତ କଥାବାର୍ତ୍ତା କରିବ।
ଶନିବାର ରାତି ପ୍ରାୟ ୧୧.୩୦ରେ ଉକ୍ତ କ୍ୟାବଟିକୁ ଶେଷ ଥର ପାଇଁ ଗୁରୁଗ୍ରାମର ଇଫ୍କୋ ଛକରେ ଦେଖିବାକୁ ମିଳିଥିଲା। ଦୁଇଜଣ ପୁଅ ଓ ଜଣେ ଝିଅ ରୋହିଣୀରୁ ବିକାଶପୁରୀ ଯିବା ପାଇଁ ଉବେର୍ ମାଧ୍ୟମରେ ଉକ୍ତ କ୍ୟାବ୍ ବୁକ୍ କରିଥିଲେ। ବାଟରେ ସେମାନଙ୍କ ମଧ୍ୟରେ କୌଣସି କାରଣରୁ ଯୁକ୍ତିତର୍କ ହୋଇ ବିବାଦ ହୋଇଥିଲା। ପୁଅଟି ଜଣେ ଝିଅକୁ ଧକ୍କା ଦେଇ ବଳପୂର୍ବକ କ୍ୟାବ୍ ଭିତର ବସାଉଛି। ଯୁକ୍ତିତର୍କ ପରେ ଝିଅଟି ପଳାଇ ଯିବାକୁ ଚାହିଁବାରୁ ଏ ଭଳି ଘଟଣା ଘଟିଛି। ଘଟଣା ସଂକ୍ରାନ୍ତରେ ଅଧିକ ତଦନ୍ତ ଚାଲିଛି ବୋଲି ପୁଲିସ ଅଧିକାରୀ ଜଣକ କହିଛନ୍ତି।
Powered by Froala Editor
