ଜୟାଙ୍କ ହାତ ଧରିଲେ ବିଶ୍ୱର ଗେଡ଼ା ବଡି ବିଲ୍ଡର୍ ପ୍ରତୀପ ବିଠଲ
ବିଶ୍ୱର ସବୁଠାରୁ ଗେଡ଼ା ବଡି ବିଲ୍ଡର୍ ପ୍ରତୀପ ବିଠଲ ମୋହିତେ ୨୨ ଜୟା ନାମ୍ନୀ ମହିଳାଙ୍କୁ ବିବାହ କରିଛନ୍ତି। ପ୍ରତୀପ ବିଠଲଙ୍କ ଉଚ୍ଚତା ୩ ଫୁଟ ୩ ଇଞ୍ଚ। ଜୟାଙ୍କ ଉଚ୍ଚତା ୪ ଫୁଟ ୨ଇଞ୍ଚ। ଉଭୟ ପ୍ରେମ ବିବାହ କରିଥିବା ଜଣାପଡ଼ିଛି। ନିଜ ବାହାଘର ବେଳର ଫଟୋ ଓ ଭିଡିଓକୁ ପ୍ରତୀପ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି।
ଗୋଟିଏ ଭିଡିଓରେ ସେ ବର ବେଶରେ ରହିଥିବା ବେଳେ ଗୋଟିଏ ଗାଡ଼ି ଉପରେ ଚଢ଼ି ବେଶ ଖୁସିରେ ଡ୍ୟାନ୍ସ କରୁଛନ୍ତି। ତାଙ୍କ ସହ ବରଯାତ୍ରୀମାନେ ମଧ୍ୟ ରାସ୍ତାରେ ନାଚୁଥିବା ଦେଖିବାକୁ ମିଳିଛି। ଆଉ ଏକ ଫଟୋରେ ପ୍ରତୀକ ତାଙ୍କ ପତ୍ନୀଙ୍କ ପାଖରେ ଛିଡ଼ା ହୋଇଛନ୍ତି।
ମହାରାଷ୍ଟ୍ରରେ ଜନ୍ମ ଗ୍ରହଣ କରିଥିବା ପ୍ରତୀକ ୪ ବର୍ଷ ତଳେ ଜୟାଙ୍କୁ ଭେଟିଥିଲେ। ଉଭୟ କମ ଉଚ୍ଚତାର ଥିଲେ ହେଁ ପରସ୍ପରକୁ ପ୍ରେମ କରି ବସିଥିଲେ। ଏହାପରେ ସେମାନଙ୍କ ନିର୍ବନ୍ଧ ହୋଇଥିଲା। ଏବେ ଉଭୟ ପରସ୍ପରକୁ ଜୀବନସାଥୀ ରୂପେ ବାଛିଛନ୍ତି। ପ୍ରତୀକ ୨୦୨୧ରେ ଗିନିଜ ୱାର୍ଲ୍ଡ ରେକର୍ଡସରେ ବିଶ୍ୱର ସବୁଠାରୁ ଗେଡା ବଡିବିଲଡର(ପୁରୁଷ) ଭାବେ ସ୍ଥାନ ପାଇଥିଲେ।
Powered by Froala Editor
