ରାସ୍ତା କାମ କରି ନିଜ ପରିବାର ପେଟ ପୋଷୁଥିବା ଜଣେ ପ୍ରବାସୀ ଶ୍ରମିକ ଏବେ ଲକ୍ଷପତି ବନି ଯାଇଛନ୍ତି। ପ୍ରବାସୀ ଶ୍ରମିକ ଜଣଙ୍କ ୭୫ ଲକ୍ଷ ଟଙ୍କାର ଲଟେରୀ ଜିତିଛନ୍ତି। ତେବେ ଶ୍ରମିକ ଜଣଙ୍କ ଭୟରେ ପୁଲିସ୍‌ ପାଖକୁ ଦୌଡ଼ିବା ଚର୍ଚ୍ଚାର ବିଷୟ ପାଲଟିଛି। ପୁଲିସ୍‌ ପାଖରେ ପହଞ୍ଚି ସେ ସୁରକ୍ଷା ପାଇଁ ନିବେଦନ କରିଛନ୍ତି।

ପଶ୍ଚିମବଙ୍ଗର ମୂଳବାସିନ୍ଦା ଏସକେ ବାଦେଶ କେରଳରେ ରହି କାମ କରନ୍ତି। ସେ ଅନେକ ଥର ଲଟେରୀ ଟିକେଟ କିଣି ନିଜର ଭାଗ୍ୟ ବଦଳାଇବାକୁ ଚେଷ୍ଟା କରିଥିଲେ । କିନ୍ତୁ ଏଥର ସେ କେରଳ ସରକାରଙ୍କ ସ୍ତ୍ରୀ ଶକ୍ତି ଲଟେରୀ ମାଧ୍ୟମରେ ୭୫ ଲକ୍ଷ ଟଙ୍କା ଜିତି ନେଇଛନ୍ତି। ଲଟେରୀ ଜିତିବା ପରେ ସେ ମଙ୍ଗଳବାର ରାତିରେ ହିଁ ମୁଭାଟ୍ଟୁପୁଝା ପୁଲିସ ଷ୍ଟେସନରେ ପହଞ୍ଚି ତାଙ୍କ ଟଙ୍କାର ସୁରକ୍ଷା ପାଇଁ ଅନୁରୋଧ କରିଛନ୍ତି।

ବାଦେଶ ଏର୍ଣ୍ଣାକୁଲମ୍‌ର ମୁଭାତ୍ତୁପୁଝାରେ ଥିବା ଏକ ପୁଲିସ ଥାନାର ଶରଣ ନେଇଥିଲେ , ଏହାର ସୁରକ୍ଷା ଚାହିଁଥିଲେ, ଏହି ଡ଼ରରେ କି କେହି ତାଙ୍କର ଲଟେରୀ ଟିକେଟ୍‌ ତାଙ୍କ ଠାରୁ ବଳପୂର୍ବକ ନେଇ ଯାଇ ପାରନ୍ତି। 

କେରଳ ପୁଲିସ ନିଜର ଫେସବୁକ୍‌ ପେଜ୍‌ରେ ଏହି ଘଟଣାକୁ ପୋଷ୍ଟ କରିଛି । ତାଙ୍କର ଭୟ ଥିଲା କି କିଏ ତାଙ୍କ ଠାରୁ ଜିତି ଥିବା ଲଟେରୀ ଟିକେଟ ଛଡ଼େଇ ନେବ । ଏଥିପାଇଁ ସେ ପୁଲିସ ଥାନାର ସୁରକ୍ଷା ପାଇଁ ଦୌଡି ଥିଲେ।

Powered by Froala Editor