ତ୍ରୁଟି ଯୋଗୁଁ ଜରୁରୀ ଅବତରଣ କଲା ନୌସେନା ହେଲିକପ୍ଟର
ଭାରତୀୟ ନୌସେନାର ଏକ ହେଲିକପ୍ଟର ମୁମ୍ବାଇ ସମୁଦ୍ର ଉପକୂଳରେ ଜରୁରୀ ଅବତରଣ କରିଛି । ଏହି ଘଟଣା ପରେ ଉଦ୍ଧାରକାରୀ ଦଳ ସେଠାରେ ପହଞ୍ଚି ହେଲିକପ୍ଟରରେ ଥିବା ୩ଜଣ କର୍ମଚାରୀଙ୍କୁ ସୁରକ୍ଷିତ ଭାବେ ଉଦ୍ଧାର କରିଛନ୍ତି ।
ବାୟୁସେନାର ଆଡଭାନ୍ସଡ ଲାଇଟ୍ ହେଲିକପ୍ଟର(ଏଏଲଏଚ୍) ଆଜି ରୁଟିନ କାମରେ ଉଡ଼ାଣ ଭରିଥିଲା। ତେବେ ହଠାତ୍ ଏହା ବୈଷୟିକ ତ୍ରୁଟିରୁ ସମ୍ମୁଖୀନ ହେବାରୁ ଜରୁରୀ ଅବତରଣ କରିଛି।
ଏହି ଧ୍ରୁବ ହେଲିକପ୍ଟରରେ ୩ ଜଣ କ୍ରୁ ସଦସ୍ୟ ରହିଥିଲେ। ହେଲିକପ୍ଟରଟି ଜରୁରୀ ଅବତରଣ କରିବା ପରେ ସେମାନଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ଭାରତୀୟ ନୌସେନା ପକ୍ଷରୁ ସୂଚନା ଦିଆଯାଇଛି।ସେପଟେ ଏହି ଘଟଣାର ଯାଞ୍ଚ ନିର୍ଦ୍ଦେଶ ମଧ୍ୟ ଦିଆଯାଇଛି ।
Powered by Froala Editor
