ଜାପାନରେ ଭୂମିକମ୍ପ, ସତର୍କ ସୂଚନା ଜାରି
ଶନିବାର ଜାପାନରେ ୬.୧ ତୀବ୍ରତାର ଭୂମିକମ୍ପ ଅନୁଭୁତ ହୋଇଛି। ଉତ୍ତରାଞ୍ଚଳ ରାଜ୍ୟ ହୋକ୍କାଇଡୋରେ ଏହି ଭୂମିକମ୍ପ ହୋଇଥିବା ଆମେରିକା ଓ ଜାପାନ ଭୂ-ବିଜ୍ଞାନ ସର୍ଭେକ୍ଷଣ ଏଜେନ୍ସି ପକ୍ଷରୁ ସୂଚନା ଦିଆଯାଇଛି। ତେବେ ଏହି ଭୂମିକମ୍ପରେ ସୁନାମୀ ନେଇ ଜାପାନ ସରକାରଙ୍କ ପକ୍ଷରୁ କୌଣସି ସତର୍କ ସୂଚନା ଦିଆଯାଇନାହିଁ।
ଆମେରିକାର ଜିଓଲୋଜିକାଲ ସର୍ଭେ ଏବଂ ଜାପାନ ପାଣିପାଗ ବିଜ୍ଞାନ ଏଜେନ୍ସି କହିଛି ଯେ ଶନିବାର ରାତିରେ ଉତ୍ତର ଜାପାନର ହୋକାଇଡୋରେ ୬.୧ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। ଉପକୂଳବର୍ତ୍ତୀ ସହର କୁଶିରୋ ଓ ନିମୁରୋ ପର୍ଯ୍ୟନ୍ତ ଭୂମିକମ୍ପ ଅନୁଭୂତ ହୋଇଥିଲା ।
ବର୍ତ୍ତମାନ ସୁଦ୍ଧା ଜାପାନର ସ୍ଥାନୀୟ ଗଣମାଧ୍ୟମ କୌଣସି କ୍ଷୟକ୍ଷତିର ଖବର ପ୍ରକାଶ କରିନାହାଁନ୍ତି । ଭୂମିକମ୍ପକୁ ନେଇ ପ୍ରାୟ ଏକ ସପ୍ତାହ ପର୍ଯ୍ୟନ୍ତ ସତର୍କ ରହିବାକୁ ବାସିନ୍ଦାଙ୍କୁ ଚେତାବନୀ ଦିଆଯାଇଛି ।
Powered by Froala Editor