ସୁସ୍ଥ ଜୀବନଶୈଳୀ ଉପରେ ଆମୱେ ଇଣ୍ଡିଆର ଗୁରୁତ୍ୱ; ଆରମ୍ଭ କରୁଛି ‘ସ୍ୱାସ୍ଥ୍ୟ ଓ ଶରୀର ରକ୍ଷା’ ସଚେତନତା ଅଭିଯାନ
![ସୁସ୍ଥ ଜୀବନଶୈଳୀ ଉପରେ ଆମୱେ ଇଣ୍ଡିଆର ଗୁରୁତ୍ୱ; ଆରମ୍ଭ କରୁଛି ‘ସ୍ୱାସ୍ଥ୍ୟ ଓ ଶରୀର ରକ୍ଷା’ ସଚେତନତା ଅଭିଯାନ](https://odishanewslens.com/news_gallery/1928_1621592765.jpg)
ଭୁବନେଶ୍ୱର : ପୁଷ୍ଟିସାଧନ ଜରିଆରେ ରୋଗ ପ୍ରତିରୋଧ ଶକ୍ତି ବୃଦ୍ଧି ଉପରେ ସ୍ପଷ୍ଟ ଭାବରେ ଗୁରୁତ୍ୱ ଦେଇ ସୁସ୍ଥ ଜୀବନ ଯାପନକୁ ନିରନ୍ତର ଭାବେ ପ୍ରୋତ୍ସାହିତ କରୁଥିବା ଭାରତର ଅନ୍ୟତମ ଅଗ୍ରଣୀ ଏଫଏମସିଜି ପ୍ରତ୍ୟକ୍ଷ ବିକ୍ରୟକାରୀ କମ୍ପାନୀ ଆମୱେ ଇଣ୍ଡିଆ, ‘ସ୍ୱାସ୍ଥ୍ୟ ଓ ଶରୀର ରକ୍ଷା’କୁ ଉତ୍ସାହିତ କରିବା ସକାଶେ ଏକ ସଚେତନତା ଅଭିଯାନ ଶୁଭାରମ୍ଭ କରିଛି । ଭାରତରେ ଆମୱେର ୨୩ତମ ବର୍ଷ ପୂର୍ତ୍ତି ଅବସରରେ ଆରମ୍ଭ କରାଯାଇଥିବା ଏହି ଅଭିଯାନ ଏକ ସୁସ୍ଥ ଜୀବନଯାପନ ଗଢିତୋଳିବା କ୍ଷେତ୍ରରେ ସଠିକ ପୁଷ୍ଟିସାଧନ କିଭଳି ସହାୟକ ହୋଇପାରିବ, ସେ ସମ୍ପର୍କରେ ସଚେତନତା ସୃଷ୍ଟି କରିବା ଲକ୍ଷ୍ୟ ରଖିଛି । ଏହି ଅଭିଯାନ କାଳରେ ବହୁ ଚିକିତ୍ସକ ଏବଂ ପୁଷ୍ଟିସାଧନ ବିଶାରଦଙ୍କ ସହିତ ଏକାଧିକ ପର୍ଯ୍ୟାୟ ଭର୍ଚୁଆଲ ଅଧିବେଶନ ଆୟୋଜନ କରାଯାଉଛି । ସମଗ୍ର ଭାରତରେ ଏହା ୧୦୦୦ରୁ ଅଧିକ ଅଧିବେଶନ ଆୟୋଜନ କରିବା ସହିତ ଆମୱେର ୫.୫ ଲକ୍ଷରୁ ଅଧିକ ପ୍ରତ୍ୟକ୍ଷ ବିକ୍ରେତା / ଖୁଚୁରା ବିକ୍ରେତା ଏବଂ ସେମାନଙ୍କ ଗ୍ରାହକଙ୍କ ନିକଟରେ ପହଞ୍ଚିପାରିଛି ।
ଏହି କାର୍ଯ୍ୟକ୍ରମ ଶୁଭାରମ୍ଭ ସମ୍ପର୍କରେ ପ୍ରକାଶ କରି ଆମୱେ ଇଣ୍ଡିଆର ସିଇଓ ଅଂଶୁ ବୁଧରାଜା କହିଛନ୍ତି, “ସଂପ୍ରତି ସ୍ୱାସ୍ଥ୍ୟ ଏବଂ କଲ୍ୟାଣ ଅନ୍ୟ ପ୍ରତ୍ୟେକ ବିଷୟଠାରୁ ସର୍ବାଧିକ ପ୍ରାଧାନ୍ୟ ଲାଭ କରୁଛି ଏବଂ ସେହି ସମୟରେ ଜଣକର ସାମଗ୍ରିକ ସ୍ୱାସ୍ଥ୍ୟକୁ ସହାୟତା କରିବାକୁ ପୁଷ୍ଟିସାଧନ ପରିପୂରକ ଆହରଣ କରିବା ନେଇ ସଚେତନତା ବୃଦ୍ଧି ମଧ୍ୟ ବର୍ତ୍ତମାନ ସମୟ ମୁତାବକ ହୋଇଛି । ସଂପ୍ରତି କରାଯାଇଥିବା ଏକ ସର୍ବେକ୍ଷଣ ଅନୁଯାୟୀ ଜଣେ ୨୦୨୦ରେ ନିଜର ସାମଗ୍ରିକ ସ୍ୱାସ୍ଥ୍ୟ ପାଇଁ ସହାୟକ ହେବାକୁ ଯେତିକି ପୁଷ୍ଟିସାଧନ ପରିପୂରକ ଗ୍ରହଣ କରୁଥିଲେ, ସଂପ୍ରତି ସେମାନଙ୍କ ମଧ୍ୟରୁ ୫୦% ନିଜର ରୋଗ ପ୍ରତିରୋଧ ଶକ୍ତି ବୃଦ୍ଧିରେ ସହାୟକ ହେବାକୁ ପୁଷ୍ଟିସାଧନ ପରିପୂରକ ଗ୍ରହଣ କରୁଛନ୍ତି । ଆଗକୁ ଦୀର୍ଘକାଳ ପାଇଁ ଏହି ଧାରା ଅବ୍ୟାହତ ରହିବ । ଭିଟାମିନ ଏବଂ ଖାଦ୍ୟଗତ ପରିପୂରକ ବଜାରରେ ଆମୱେର ଅପ୍ରତିଦ୍ୱନ୍ଦ୍ୱୀ ସ୍ଥିତି ରହିଥିବାରୁ ଆମେ ଉପଭୋକ୍ତାଙ୍କର ପରିବର୍ତ୍ତିତ ଚାହିଦା ପୂରଣ କରିବା ଦିଗରେ ସଂପୂର୍ଣ୍ଣ ପ୍ରସ୍ତୁତ ଅଛୁ । ଚଳିତ ବର୍ଷ ଆମମାନଙ୍କ ପାଇଁ ପୁଷ୍ଟିସାଧନ ସହିତ ନିଜର ଯତ୍ନ, ରୋଗ ପ୍ରତିରୋଧ ଶକ୍ତି ବୃଦ୍ଧି ଏବଂ ଶରୀର ରକ୍ଷା ଅଗ୍ରାଧିକାର ବିଷୟ ହୋଇ ରହିବ ଏବଂ ଏହା ଆଧାରରେ ଆମେ ଭାରତରେ ଆମର ୨୩ତମ ବର୍ଷ ପୂର୍ତ୍ତି ଅବସରରେ ଲୋକଙ୍କୁ ଉତ୍ତମ ଏବଂ ସୁସ୍ଥ ଜୀବନ ବଞ୍ଚିବା ଦିଗରେ ସହାୟତା କରିବାକୁ ‘ସ୍ୱାସ୍ଥ୍ୟ ଓ ଶରୀରରକ୍ଷା’ ସଚେତନତା ଅଭିଯାନ ଶୁଭାରମ୍ଭ ସମ୍ପର୍କରେ ଘୋଷଣା କରିଛୁ । ଏଥିସହିତ ଉପଭୋକ୍ତାଙ୍କର ପରିବର୍ତ୍ତିତ ଚାହିଦା ଏବଂ ଜୀବନଶୈଳୀ ମୁତାବକ ସେମାନଙ୍କୁ ସଂପୂର୍ଣ୍ଣ ନୂତନ, ବିଶ୍ୱ ଶ୍ରେଣୀର ମାନଗତ ଉତ୍ପାଦ ଯୋଗାଇଦେଇ ଉପଭୋକ୍ତାଙ୍କ ପାଇଁ ଆମର ବ୍ରାଣ୍ଡ୍ ପ୍ରତିଶ୍ରୁତି ବାସ୍ତବରେ ଅନୁପାଳନ ଜାରି ରଖିବା ଦିଗରେ କାର୍ଯ୍ୟ କରୁଛୁ । ପୁଷ୍ଟିସାଧନ ଏବଂ ଯଥାସମ୍ଭବ ଉତ୍ତମ ସ୍ୱାସ୍ଥ୍ୟ ନିମନ୍ତେ ଶରୀର ରକ୍ଷା ଅଭ୍ୟାସରେ ବିକାଶ ଉପରେ ସଚେତନତା ପରିବ୍ୟାପ୍ତ କରିବାକୁ ଆମେ ବହୁବିଧ ଡିଜିଟାଲ ପ୍ରୟାସ କାର୍ଯ୍ୟକାରୀ କରୁଛୁ ।”
ଏହି ପ୍ରଚାର ଅଭିଯାନର ଗୁରୁତ୍ୱ ସମ୍ପର୍କରେ ଉଲ୍ଲେଖ କରି ଆମୱେ ଇଣ୍ଡିଆ, ପୂର୍ବ ଓ ପଶ୍ଚିମର ବରିଷ୍ଠ ଭାଇସ ପ୍ରେସିଡେଣ୍ଟ ଚନ୍ଦ୍ର ଭୂଷଣ ଚକ୍ରବର୍ତ୍ତୀ କହିଛନ୍ତି, “ସାଂପ୍ରତିକ ସ୍ୱାସ୍ଥ୍ୟଗତ ଦୃଶ୍ୟପଟ୍ଟ ପରିପ୍ରେକ୍ଷୀରେ ଯଥାସମ୍ଭବ ଉପାୟରେ ଆମମାନଙ୍କ ମଧ୍ୟରୁ ପ୍ରତ୍ୟେକ ନିଜକୁ ସୁରକ୍ଷିତ ରଖିବା ଗୁରୁତ୍ୱପୂର୍ଣ୍ଣ ହୋଇପଡିଛି । ପ୍ରତିଷେଧମୂଳକ ସ୍ୱାସ୍ଥ୍ୟଯତ୍ନ ଏବଂ ବ୍ୟକ୍ତିକେନ୍ଦ୍ରିକ ପୁଷ୍ଟିସାଧନଗତ ସମାଧାନ ଲୋଡିବା ବର୍ତ୍ତମାନର ଉପଭୋକ୍ତାଙ୍କ ମଧ୍ୟରେ ଆତ୍ମ ଯତ୍ନର ଏକ ପ୍ରମୁଖ ଅଂଶ ପାଲଟିଛି । ସଚେତନତା ସୃଷ୍ଟି, ସାଧାରଣରେ ସୃଷ୍ଟି ହେଉଥିବା ଭ୍ରାନ୍ତଧାରଣା ଦୂର କରିବା ଏବଂ ସଠିକ ଖାଦ୍ୟ ଆହରଣ ଉପରେ ଗୁରୁତ୍ୱ ଦେଇ ଏକ ସୁସ୍ଥ ଜୀବନ ଯାପନ ପନ୍ଥାକୁ ସରଳ କରିବା ଦିଗରେ ଆମ ସହିତ ହାତ ମିଳାଇଥିବା ଡାକ୍ତର ଏବଂ ଅନ୍ୟ ସ୍ୱାସ୍ଥ୍ୟ ବିଶାରଦମାନଙ୍କ ନିକଟରେ ଆମେ କୃତଜ୍ଞ । ଏହି ସମସ୍ତ ପ୍ରୟାସ ଜରିଆରେ ଆମେ ଆମର ଆମୱେ ପ୍ରତ୍ୟକ୍ଷ ବିକ୍ରେତା / ଖୁଚୁରା ବିକ୍ରେତା ଏବଂ ସେମାନଙ୍କ ଗ୍ରାହକଙ୍କୁ ଏକ ସୁସ୍ଥ, ଫିଟ୍ ଏବଂ ଶରୀର ରକ୍ଷାକାରୀ ଜୀବନ ନିର୍ବାହ କରିବା ଦିଗରେ ଉତ୍ସାହିତ କରୁଛୁ ।”
ଅଭିଯାନ ଅଧୀନରେ ସାଂପ୍ରତିକ ସମୟର ଆବଶ୍ୟକତା ଅନୁଯାୟୀ ସମୁଚିତ ସୂଚନା ପ୍ରଦାନ କରିବାଏବଂ ଏକ ସମତୁଲ ଜୀବନ ଯାପନର ବର୍ଦ୍ଧିତ ଆବଶ୍ୟକତା ପୂରଣ ତଥା ପ୍ରତିଷେଧମୂଳକ ସ୍ୱାସ୍ଥ୍ୟଯତ୍ନ ଏବଂ ପୁଷ୍ଟିସାଧନ ପରିପୂରକ ଆହରଣର ଭୂମିକା ସମ୍ପର୍କରେ ଜନସାଧାରଣଙ୍କୁ ସଚେତନ କରାଇବାକୁ ଡାକ୍ତର ଏବଂ ପୁଷ୍ଟିସାଧନ ବିଶାରଦମାନେ ସାମିଲ ହେଉଛନ୍ତି । ଏହି ସ୍ୱାସ୍ଥ୍ୟ ବିଶାରଦମାନେ ଏକ ସୁସ୍ଥ ଏବଂ ଶରୀର ରକ୍ଷାକାରୀ ଜୀବନଶୈଳୀର ଗୁରୁତ୍ୱ ସମ୍ପର୍କରେ ସେମାନଙ୍କ ଅଭିଜ୍ଞତା ଓ ମତାମତ ସହଭାଗିତା କରିଛନ୍ତି । ପୂର୍ବାଞ୍ଚଳରେ ହାତକୁ ନିଆଯାଇଥିବା ଏହିଭଳି କେତେକ ପ୍ରୟାସଗୁଡିକ ମଧ୍ୟରେ ବିଶ୍ୱ ସ୍ୱାସ୍ଥ୍ୟ ଦିବସ, ବିଶ୍ୱ ଆସ୍ଥମା ଦିବସ, ଦାନ୍ତ ସ୍ୱାସ୍ଥ୍ୟ ଉପରେ ଗରୁତ୍ୱ ଦେଇ ବିଶ୍ୱ ହସ ଦିବସ, ରୋଗ ପ୍ରତିରୋଧ ଶକ୍ତି ବୃଦ୍ଧି ଅଭିଯାନ, ମାତୃ ଦିବସ ପାଳନ ଏବଂ ବାସଗୃହ,ସ୍ୱାସ୍ଥ୍ୟ ଓ ଶରୀର ରକ୍ଷା ଅଭିଯାନ ଆଦି ଅନ୍ୟତମ । ଆମର ଅମୱେ ପ୍ରତ୍ୟକ୍ଷ ବିକ୍ରେତା/ ଖୁଚୁରା ବିକ୍ରେତା ଏବଂ ସେମାନଙ୍କର ଗ୍ରାହକମାନେ ଏହାର ସ୍ୱଳ୍ପ ଓ ଦୀର୍ଘ କାଳୀନ ଫାଇଦା ସହିତ ଏହାର ସ୍ୱାସ୍ଥ୍ୟଗତ ଏବଂ ଶରୀରରକ୍ଷା ଭିତ୍ତିକ ଜୀବନ ଯାପନ ସମ୍ପର୍କରେ ଅଧିକ ଜାଣିବାକୁ କାର୍ଯ୍ୟକ୍ରମଗୁଡିକରେ ସାମିଲ ହୋଇଥିଲେ ।
Powered by Froala Editor