ଆସାମ ଥିଏଟରେ ଲାଗିଥିବା ଶାହରୁଖ ଖାନ୍‌ଙ୍କ ଫିଲ୍ମ ପଠାନର ପୋଷ୍ଟର ଚିରିବା ଓ ନିଆଁ ଲଗାଇବା ଘଟଣାରେ ଗତକାଲି ସମ୍ବାଦିକଙ୍କ ପ୍ରଶ୍ନର ଉତ୍ତର ଦେଇ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କହିଥିଲେ ଶାହରୁଖ ଖାନ୍ କିଏ ମୁଁ ଜାଣିନି।  ଏହି ପ୍ରଶ୍ନ କରିବାର କିଛି ଘଣ୍ଟା ପରେ ହିଁ କିଙ୍ଗ ଖାନ୍‌ଙ୍କ ଆସିଲା ଫୋନ୍ କଲ୍। ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କୁ ରାତି ୨ଟାରେ ଫୋନ୍ କରି କଥା ହେଲେ ବଲିଉଡର ବାଦ୍‌ଶାହା ଶାହରୁଖ ଖାନ୍। ଏନେଇ ଟ୍ୱିଟ୍ କରି ଖୋଦ୍ ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି।  

ଆସନ୍ତା ୨୫ରେ ହଲକୁ ଆସିବ ଶାହରୁଖଙ୍କ ବହୁ ପ୍ରତିକ୍ଷୀତ ଫିଲ୍ମ ‘ପଠାନ୍’। ଏହି ଫିଲ୍ମର ରିଲିଜକୁ ନେଇ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସାହ ଥିବା ବେଳେ ବିବାଦ ମଧ୍ୟ ଲାଗି ରହିଛି। ଆଉ ଏସବୁ ବିବାଦ ଭିତରେ ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଶାହରୁଖ କିଏ ପଚାରିଥିଲେ? କିନ୍ତୁ ଏବେ ଟ୍ୱିଟ୍ କରି ଶାହାରୁଖଙ୍କ ବାବଦରେ ବଡ ବୟାନ ଦେଇଛନ୍ତି ଆସାମ ମୁଖ୍ୟମନ୍ତ୍ରୀ।

ବିଶ୍ୱଶର୍ମା ଟ୍ୱିଟ୍ କରି କହିଛନ୍ତି ‘ଶାହରୁଖ ମୋତେ ରାତି ୨ଟାରେ ଫୋନ୍ କରି କଥା ହୋଇଥିଲେ। ଏପରିକି ନିଜ ଫିଲ୍ମର ସ୍କ୍ରିନିଂ ବେଳେ ଗୌହାଟୀରେ ହୋଇଥିବା ଘଟଣାକୁ ନେଇ ଚିନ୍ତା ପ୍ରକଟ କରିଥିଲେ। ତେବେ ଆଇନ ଶୃଙ୍ଖଳା ବଜାଇ ରଖିବା ରାଜ୍ୟ ସରକାରଙ୍କ କର୍ତ୍ତବ୍ୟ ବୋଲି ମୁଁ ତାଙ୍କୁ ପ୍ରତିଶ୍ରୁତି ଦେଇଛି। ଏନେଇ ଆମେ ତଦନ୍ତ କରିବୁ। ପୁଣିଥରେ ଯେମିତି ଏଭଳି ଅପ୍ରିତିକର ଘଟଣା ନ ଘଟେ ତାହା ନିଶ୍ଚିତ କରିବୁ।"

Powered by Froala Editor