ଓସ୍କାର ଶର୍ଟଲିଷ୍ଟରେ 'ଦି କଶ୍ମୀର ଫାଇଲ୍ସ' ସହ ଏହି ୨ଟି ଫିଲ୍ମ ସାମିଲ
ରିଷଭ ଶେଟ୍ଟୀଙ୍କ ନିର୍ଦ୍ଦେଶିତ ଫିଲ୍ମ 'କାନ୍ତାରା', ବିବେକ୍ ଅଗ୍ନିହୋତ୍ରୀଙ୍କ ଫିଲ୍ମ 'ଦି କଶ୍ମୀର ଫାଇଲ୍ସ' ଏବଂ ସଞ୍ଜୟଲୀଲା ଭଁସାଲିଙ୍କ 'ଗଙ୍ଗୁବାଈ କାଠିଆୱାଡ଼ି' ଏବେ ଓସ୍କାର ଦୌଡ଼ରେ ସାମିଲ ହୋଇଛି। ଏହି ଫିଲ୍ମ ଓସ୍କାର-୨୦୨୩ ପାଇଁ ଶର୍ଟଲିଷ୍ଟ କରାଯାଇଛି। ଫିଲ୍ମ ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ନିଜେ ସୋଶାଲ ମିଡିଆରେ ଏହି ଗୁଡ୍ନ୍ୟୁଜ୍ ଶେଆର କରିଛନ୍ତି ।
କେବଳ ସେତିକି ନୁହେଁ କଶ୍ମୀର ଫାଇଲ୍ସର ଲିଡ୍ ରୋଲରେ ସାମିଲ ପଲ୍ଲଭି ଯୋଶୀ, ମିଥୁନ ଚକ୍ରବର୍ତ୍ତୀ, ଦର୍ଶନ କୁମାର ଓ ଅନୁପମ ଖେର୍ଙ୍କୁ ଓସ୍କାର୍ର ବେଷ୍ଟ ଆକ୍ଟର କ୍ୟାଟେଗୋରୀ ପାଇଁ ଶର୍ଟଲିଷ୍ଟ କରାଯାଇଛି। 'କାନ୍ତାରା' ବେଷ୍ଟ ପିକ୍ଚର ଏବଂ ବେଷ୍ଟ ଆକ୍ଟର ବର୍ଗରେ କ୍ୱାଲିଫାଏ ହୋଇଛି। ଏହା ପୂର୍ବରୁ ରାଜମୌଲିଙ୍କ ସିନେମା 'ଆର୍ଆର୍ଆର୍' ବେଷ୍ଟ ଅରିଜିନାଲ୍ ସଙ୍ଗ୍ ବର୍ଗରେ 'ନାଟୁନାଟୁ' ସ୍ଥାନ ପାଇଛି। 'କାନ୍ତାରା' ଲିଷ୍ଟରେ ସ୍ଥାନ ପାଇବା ନେଇ ନିର୍ଦ୍ଦେଶକ ରିଷଭ ଟୁଇଟ୍ କରି ଖୁସି ବ୍ୟକ୍ତ କରିଛନ୍ତି। ୨ଟି ବର୍ଗରେ ଏହି ଫିଲ୍ମ ସ୍ଥାନ ପାଇଥିବା ସେ ଜଣାଇଛନ୍ତି।
Powered by Froala Editor
