‘ଥୁନିଭୁ’ ଚଳଚ୍ଚିତ୍ର ଦେଖି ଟ୍ରକ୍ରୁ ଡେଇଁଲେ ପ୍ରଶଂସକ
ଚେନ୍ନାଇ: ଦକ୍ଷିଣ ଭାରତୀୟ ଅଭିନେତା ଅଜିତ କୁମାରଙ୍କ ଜଣେ ପ୍ରଶଂସକ ‘ଥୁନିଭୁ’ ଚଳଚ୍ଚିତ୍ର ଦେଖି ଫେରିବା ସମୟରେ ଅତି ଉତ୍ସାହିତ ହୋଇ ଚଳନ୍ତା ଟ୍ରକ୍ରୁ ଡେଇଁ ପଡ଼ିଛନ୍ତି। ଫଳରେ ତାଙ୍କର ମୃତ୍ୟୁ ଘଟିଛି। ପ୍ରଶଂସକ ଜଣକ ଚେନ୍ନାଇର ରୋହିଣୀ ଥିଏଟରରେ ଅଜିତ କୁମାରଙ୍କ ଫିଲ୍ମ ‘ଥୁନିଭୁ’ ଦେଖି ଫେରୁଥିଲେ। ଏହି ସମୟରେ ଅତି ଉତ୍ସାହିତ ହୋଇ ସେ ଚଳନ୍ତା ଟ୍ରକ୍ରୁ ଡେଇଁ ପଡ଼ିଥିଲେ। ଫଳରେ ସେ ଗୁରୁତର ଭାବେ ଆହତ ହୋଇଥିଲେ। ତେବେ ଏବେ ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଛି। ପୁଲିସ ମାମଲା ରୁଜୁ କରି ତଦନ୍ତ ଚଳାଇଛି।
ସୂଚନା ଅନୁସାରେ, ଘଟଣା ଘଟିଛି ଚେନ୍ନାଇର ପୁନାମଲ୍ଲୀ ରାଜପଥରେ। ଅଜିତ କୁମାରଙ୍କ ପ୍ରଶଂସକ ଭରତ କୁମାର ରାତି ୧ଟା ସମୟରେ ଅଭିନେତାଙ୍କ ‘ଥୁନିଭୁ’ ଚଳଚ୍ଚିତ୍ର ଦେଖି ଫେରୁଥିଲେ। ଏହି ସମୟରେ ସେ ଉତ୍ସାହି ହୋଇ ଚଳନ୍ତା ଟ୍ରକ୍ରୁ ଡେଇଁ ପଡ଼ିଥିଲେ। ଗାଡ଼ିର ବେଗ କମ୍ ଥିବାରୁ ପ୍ରଥମେ ସେ ଆହତ ହୋଇଥିଲେ, କିନ୍ତୁ ପରେ ପ୍ରଶଂସକଙ୍କ ମୃତ୍ୟୁ ଘଟିଥିବା ପୁଲିସ ଅଧିକାରୀ ସୂଚନା ଦେଇଛନ୍ତି।
Powered by Froala Editor