ଏବେ ଯେଉଁଠି ଦେଖ ବଡ ବଡ଼ କମ୍ପାନୀ ଛଟେଇ କରିବାରେ ଲାଗି ପଡିଛନ୍ତି । ମାନ୍ଦାବସ୍ଥା ଦେଖାଇ କର୍ମଚାରୀଙ୍କୁ ବାହାର କରୁଛନ୍ତି । ସେଇଠି ଏକ କମ୍ପାନୀ ତାର କର୍ମଚାରୀଙ୍କୁ ୪ ବର୍ଷର ଦରମା ବୋନସ ଆକରରେ ଦେବାକୁ ଘୋଷଣା କରିଛି । ତାଇୱାନରେ ଥିବା ଏହି କମ୍ପାନୀ ନାଁ ଏଭରଗ୍ରୀନ୍ ମରିନ କର୍ପୋରେସନ। ପାଖାପାଖି ୪ବର୍ଷ (୫୦ ମାସ)ର ଦରମା ଦେବାର ନିଷ୍ପତ୍ତି ନେଇଛି ଉକ୍ତ କମ୍ପାନୀ। ଏହି ମାମଲା ସହ ଜଡିତ ବ୍ୟକ୍ତି ନାମ ଗୋପନ ରଖିବା ସର୍ତ୍ତରେ ଏହି କଥାର ଖୁଲାସା କରିଛନ୍ତି। କହିଛନ୍ତି- ଷ୍ଟେଲର ବୋନସ କେବଳ ସେହି ଲୋକଙ୍କୁ ମିଳିଛି , ଯାହା ଏହି ସମୟରେ ତାଇୱାନରେ କାର୍ଯ୍ୟରତ। ବୋନସ୍‌ ସମ୍ୱନ୍ଧିତ କର୍ମଚାରୀଙ୍କୁ ତାଙ୍କର ଜବ୍ ଗ୍ରେଡ୍‌ , କାମ ଆଧାରରେ ଦିଆଯାଇଛି। 

କମ୍ପାନୀ ଶୁକ୍ରବାର ଜାରି କରିଥିବା ଷ୍ଟେଟମେଣ୍ଟରେ କହିଛି, ବର୍ଷର ଶେଷରେ ମିଳୁଥିବା ବୋନସ କର୍ମଚାରୀଙ୍କୁ ତାଙ୍କର ବ୍ୟକ୍ତିଗତ ପ୍ରଦର୍ଶନ ଓ କମ୍ପାନୀର ପ୍ରଦର୍ଶନ ଆଧାରରେ ଦିଆଯାଏ। କରୋନା ମହାମାରୀ କାରଣରୁ ଗତ କିଛି ବର୍ଷ ହେଲା ଶିପିଂ ଇଣ୍ଡଷ୍ଟ୍ରୀ ଖୁବ୍ ଅଗ୍ରଗତି କରିଛି। ଫଳରେ ଉପଭୋକ୍ତା ସାମଗ୍ରୀର ଚାହିଦା ଏବଂ ମାଲ ପରିବହନରେ ଚାହିଦା ବଢ଼ିବାରେ ଲାଗିଛି । ଏହି କାରଣରୁ କମ୍ପାନୀର ଲାଭ ବି ୨୦୨୦ ତୁଳନାରେ ବୃଦ୍ଧି ପାଇଁ ୧ଲକ୍ଷ ୭୦ ହଜାର କୋଟି ଟଙ୍କା ହୋଇ ଯାଇଛି। ତେଣୁ କମ୍ପାନୀ ନିଜର କର୍ମଚାରୀଙ୍କୁ ହୃଦୟ ଖୋଲି ବୋନସ ଦେଇଛି। 

Powered by Froala Editor