ବଲିଉଡ୍‌ ଭାଇଜାନ୍‌ ସଲମାନ୍‌ ଖାନ୍‌ଙ୍କ ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି ଏକ୍ସ ଗର୍ଲଫ୍ରେଣ୍ଡ୍‌ ସୋମି ଅଲ୍ଲୀ । ପୋଷ୍ଟ ଶେୟାର କରି ସୋମି ଲେଖିଛନ୍ତି, 'ତାଙ୍କ(ସଲମାନ୍) ସହ ବିତାଇ ଥିବା ୮ ବର୍ଷ ମୋ ଜୀବନର ସବୁଠାରୁ ଖରାପ ବର୍ଷ ଥିଲା। ତାଙ୍କର ଅନେକ ଝିଅଙ୍କ ସହ ଆଫାୟର୍ସ ଥିଲା। ଖାଲି ଏତିକି ନୁହେଁ ଲଗାତାର ଭାବେ ସେ ମୋତେ ଅସୁନ୍ଦର, ମୁର୍ଖ ଓ ମୁକ ବୋଲି କହି ହୀନ ଦେଖାଉଥିଲେ। ବହୁ ବର୍ଷ ଧରି ସେ ସର୍ବସାଧାରଣରେ ମୋତେ ତାଙ୍କ ଗର୍ଲଫ୍ରେଣ୍ଡ୍‌ ଭାବେ ସ୍ୱୀକାର କରିନଥିଲେ। ଶେଷରେ ଯେତେବେଳେ ସ୍ୱୀକାର କଲେ, ସେତେବେଳେ ସେ ତାଙ୍କ ସାଙ୍ଗମାନଙ୍କ ସାମ୍ନାରେ ଅପମାନିତ କରିବା ସହ ଗାଳି କରିଥିଲେ।' ଯେତେବେଳେ ଅନ୍ୟ ଜଣଙ୍କ ସହ ମୋର ରିଲେସନଶିପ୍‌ ସମ୍ପର୍କରେ ସଲମାନ୍‌ ଜାଣିଲେ, ଏହାପରେ ସେ ମୋତେ ବହୁତ ମାଡ଼ ମାରିଥିଲେ। କେବଳ ପୁରୁଷ ହିଁ ମହିଳାଙ୍କୁ ଧୋକା ଦେଇପାରିବ ବୋଲି ସଲମାନ୍‌ କହିଥିଲେ।'

ସୂଚନା ଯେ, ୯୦ ଦଶକରେ ସୋମି ବଲିଉଡ୍‌ରେ କିଛି ଫିଲ୍ମରେ ଅଭିନୟ କରିଥିଲେ। ସେହି ସମୟରେ ସଲମାନ୍‌ ଓ ସୋମିଙ୍କ ଆଫାୟର୍ସକୁ ନେଇ ଚର୍ଚ୍ଚା ହୋଇଥିଲା। ହେଲେ ପରେ ଅଭିନେତ୍ରୀ ସୋମି ବଲିଉଡ୍‌କୁ ଅଲ୍‌ବିଦା କହିଥିଲେ। ଏବେ ସୋସିଆଲ୍‌ ମିଡିଆରେ ସେ ବେଶ୍‌ ଆକ୍ଟିଭ୍‌ ରହିବା ସହ ସଲମାନ୍‌ଙ୍କ ବିରୋଧରେ ଗୋଟିଏ ପରେ ଗୋଟିଏ ଖୁଲାସା କରୁଛନ୍ତି। ଏହା ପୂର୍ବରୁ ସୋମି, ସଲମାନ୍‌ଙ୍କ ସହ ଏକ ପୁରୁଣା ଫଟୋ ଶେୟାର କରି 'ଶାରୀରିକ ନିର୍ଯାତନା' ସମ୍ପର୍କରେ ଲେଖିଥିଲେ। 

Powered by Froala Editor