ରଜିତା କୋଚରଙ୍କ ପରଲୋକ
୭୦ ବର୍ଷ ବୟସରେ ଟେଲିଭିଜନ ତଥା ବଲିଉଡ୍ର ଲୋକପ୍ରିୟ ଅଭିନେତ୍ରୀ ରଜିତା କୋଚରଙ୍କର ପରଲୋକ ଘଟିଛି। କିଡନୀ ଫେଲ୍ ହେବା ସାଙ୍ଗକୁ ତାଙ୍କର ବ୍ରେନ୍ ଷ୍ଟ୍ରୋକ୍ ହୋଇଥିଲା। ଏହାପରେ ତାଙ୍କୁ ପାରାଲିସିସ୍ ହୋଇଥିଲା। ଚିକିତ୍ସା ଯୋଗୁ ଅବସ୍ଥାରେ ସୁଧାର ଆସୁଥିଲା। ହେଲେ ଡିସେମ୍ବର ୨୦ରେ ସେ ନିଃଶ୍ୱାସପ୍ରଶ୍ୱାସ ନେବାରେ କଷ୍ଟ ଅନୁଭବ କରିଥିଲେ। ଶ୍ୱାସକ୍ରିୟାରେ ସମସ୍ୟା ଦେଖାଦେବା ସହ ପେଟ ଯନ୍ତ୍ରଣା ହୋଇଥିଲା । ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କୁ ସେଠାରେ ଭେଣ୍ଟିଲେଟରେ ରଖାଯାଇଥିଲା । ମାତ୍ର ଆଜି କୋଚରଙ୍କର ପରଲୋକ ଘଟିଛି।
ରଜିତା ଟେଲିଭିଜନ ଏବଂ ଫିଲ୍ମରେ ଅନେକ ଚରିତ୍ରରେ ଅଭିନୟ କରିଥିଲେ। ବିଶେଷ କରି 'କାହାନି ଘର ଘର କି', 'ହାତିମ୍' ଏବଂ 'କବଚ' ଭଳି ଧାରାବାହିକ ଲାଗି ସେ ଚର୍ଚ୍ଚାରେ ଥିଲେ। ତେବେ ଶେଷ ଥର ଲାଗି ତାଙ୍କୁ କଙ୍ଗନା ରାଣାଓ୍ବତଙ୍କ ଚଳଚ୍ଚିତ୍ର 'ମଣିକର୍ଣ୍ଣିକା'ରେ ଦେଖିବାକୁ ମିଳିଥିଲା।
Powered by Froala Editor
