ମା’ ହେବେ ଦୀୟା
ମା’ ହେବେ ଦୀୟା । ଏ ଖବର ଶୁଣିବା ପରେ ତାଙ୍କୁ ଶୁଭେଚ୍ଛା ଜଣାଉଛନ୍ତି ଫ୍ୟାନ୍ ମାନେ । ଇନଷ୍ଟାଗ୍ରାମରେ ଦୀୟା ଲେଖିଛନ୍ତି, ‘ସନସାଇନ୍ ସନ୍ ଡେ’, ହାପି ଇଷ୍ଟର।‘ ଏହା ସହିତ ସେ ଏକ ଭିଡିଓ ମଧ୍ୟ ସେୟାର କରିଛନ୍ତି, ଯେଉଁଥିରେ ସେ ଧଳା ରଙ୍ଗର ଏକ ଢିଲା ପୋଷାକ ପିନ୍ଧିଛନ୍ତି ଏବଂ ତାଙ୍କ କେଶ ଖୋଲା ରଖିଛନ୍ତି । ଏହି ଭିଡିଓରେ ଦୀୟା ଖୁବ୍ ସୁନ୍ଦର ଦେଖାଯାଉଛନ୍ତି ଏବଂ ତାଙ୍କ ଫ୍ୟାନ୍ସମାନେ ଏହି ଭିଡିଓରେ ବହୁତ କମେଣ୍ଟ କରୁଛନ୍ତି ।
ଦୀୟା ଚଳିତ ବର୍ଷ ଫେବୃଆରୀ ୧୫ ରେ ବୈଭବ ରେଖିଙ୍କୁ ବିବାହ କରିଥିଲେ । ବିବାହ ପରେ ଦୀୟା ମିର୍ଜା, ବୈଭବ ରେଖି ଏବଂ ତାଙ୍କ ଝିଅ ସମାୟରାଙ୍କ ସହ ଛୁଟି କାଟିବା ପାଇଁ ମାଲଦ୍ୱୀପକୁ ଯାଇଥିଲେ । ସୋସିଆଲ ମିଡିଆରେ ତାଙ୍କର ଫଟୋକୁ ଫ୍ୟାନ୍ସମାନେ ଖୁବ୍ ପସନ୍ଦ କରିଥିଲେ ।
