ଇରାନର ୨୦ ବର୍ଷୀୟ ଅଫଶୀନ ଇସ୍ମାଇଲ ଘଦରଜାଦେହ ବିଶ୍ବର ସବୁଠାରୁ ଛୋଟ ମଣିଷ। ପୂର୍ବ ରେକର୍ଡ଼ଧାରୀଙ୍କ ତୁଳନାରେ ୭ ସେଣ୍ଟିମିଟର କମ୍ ମାପ ହେବା ପରେ ମଙ୍ଗଳବାର ପର୍ଯ୍ୟନ୍ତ ସେ ଦୁନିଆର ସବୁଠାରୁ ଛୋଟ ବ୍ୟକ୍ତି ବୋଲି ଘୋଷଣା କରାଯାଇଛି। ୬୫.୨୪ ସେଣ୍ଟିମିଟର(୨ ଫୁଟ୍‌,୧.୬ ଇଞ୍ଚ) ଉଚ୍ଚତା ସହ ଅଫଶୀନ ଏବେ ଦୁନିଆର ସବୁଠାରୁ କମ୍‌ ଉଚ୍ଚତା ବିଶିଷ୍ଟ ବ୍ୟକ୍ତି। ଏହି ଯୁବକଙ୍କ ଶରୀର ଅତ୍ୟନ୍ତ ଦୁର୍ବଳ । ଯାହା ଫଳରେ ସେ ମୋବାଇଲ୍ ମଧ୍ୟ ବ୍ୟବହାର କରିପାରନ୍ତି ନାହିଁ । ଏପରିକି ନିଜ ମାପର ଡ୍ରେସ୍ ପାଉନଥିବାରୁ ସେ ୩ ବର୍ଷ ପିଲାଙ୍କ ଡ୍ରେସ୍ ପିନ୍ଧିଥାନ୍ତି ।

ଅଫଶୀନ ଇରାନର ୱେଷ୍ଟ ଅଜରବେଜାନର ବୁକାନ କାଉଣ୍ଟିର ବାସିନ୍ଦା। ଅଫଶୀନ ଉଭୟ କୁର୍ଦ୍ଦ ଏବଂ ଫାର୍ସୀ ଭାଷାରେ କଥାବାର୍ତ୍ତା କରନ୍ତି। ଜନ୍ମ ବେଳେ ତାଙ୍କର ଓଜନ ମାତ୍ର ୭୦୦ ଗ୍ରାମ ଥିଲ । ଗିନିଜ ରେକର୍ଡ କରିବା ପରେ ଅଫଶୀନ କୁହନ୍ତି, ଏବେ ଲୋକମାନେ ତାଙ୍କୁ ଜାଣିବେ ଏବଂ ସହଯୋଗ ମଧ୍ୟ କରିବେ । ତାଙ୍କର ସବୁ ସ୍ୱପ୍ନ ପୂରଣ ହେବ ବୋଲି ଆଶା ରଖିଛନ୍ତି ।

ଗିନିଜ୍‌ ୱାର୍ଲ୍ଡ ରେକର୍ଡ୍ସ ଅନୁସାରେ, ସେ ପୂର୍ବ ରେକର୍ଡ଼ଧାରୀ ୩୬ ବର୍ଷୀୟ ଏଡ଼ୱାର୍ଡ଼ ‘‘ନୀନୋ’’ ହର୍ଣ୍ଣାଣ୍ଡେଜ୍‌(କଲମ୍ବିଆ)ଙ୍କଠାରୁ ପ୍ରାୟ ୭ ସେମି(୨.୭ ଇଞ୍ଚ) ଛୋଟ। ଅଫଶୀନ ଗିନିଜ୍‌ ୱାର୍ଲ୍ଡ ରେକର୍ଡ୍ସ ଦ୍ବାରା ପରୀକ୍ଷିତ ଚତୁର୍ଥ ସବୁଠାରୁ ଛୋଟ ବ୍ୟକ୍ତି। 

Powered by Froala Editor