୧୮ ବର୍ଷ ପରେ ବାପାମା’ ହେଲେ ଅପୁର୍ବ ଓ ଶିଳ୍ପା : ଘରକୁ ଆସିଲା କୁନି ଅତିଥି
ବିବାହର ୧୮ ବର୍ଷ ପରେ ପିତାମାତା ହୋଇଛନ୍ତି ଅଭିନେତା ଅପୁର୍ବ ଅଗ୍ନିହୋତ୍ରୀ ଏବଂ ଅଭିନେତ୍ରୀ ଶିଳ୍ପା ସକଲାନି । ତାଙ୍କ ଘରକୁ ଆସିଛି କୁନି ପରୀ। ଏନେଇ ଅଭିନେତା ଏକ ଭିଡିଓ ସେୟାର କରି ଆନାଉନ୍ସ କରିଛନ୍ତି। ଅପୂର୍ବ ଓ ଶିଳ୍ପା ଦୁହେଁ ନିଜ ଝିଅ ସହ ନଜର ଆସିଛନ୍ତି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଅପୂର୍ବ ନିଜ ଝିଅ ସହ ଫଟୋକୁ ଶେଆର କରି କ୍ୟାପସନରେ ଲେଖିଛନ୍ତି, ‘ମୋର ଜନ୍ମଦିନ ମୋ ଜୀବନର ସବୁଠାରୁ ବିଶେଷ ଜନ୍ମଦିନ ହୋଇଗଲା, କାରଣ ଭଗବାନ ଆମକୁ ସବୁଠୁ ବିଶେଷ, ଅବିଶ୍ୱସନୀୟ, ଚମତ୍କାର, ଉପହାର ଦେଇଛନ୍ତି । ବହୁତ କୃତଜ୍ଞତା । ଶିଳ୍ପା ଏବଂ ମୁଁ ଆମର ଝିଅ ଇଶାନି ଅଗ୍ନିହୋତ୍ରୀଙ୍କୁ ପରିଚିତ କରିବାକୁ ଚାହୁଁଛୁ । ଦୟାକରି ତାକୁ ଭଲ ପାଇବା ଏବଂ ଆଶୀର୍ବାଦ ଦିଅନ୍ତୁ।’
୨୦୦୪ରେ ଅପୂର୍ବ ଓ ଶିଳ୍ପା ବିବାହ କରିଥିଲେ। ଉଭୟ ଟେଲି ଇଣ୍ଡଷ୍ଟ୍ରିର ବେଶ୍ ଜଣାଶୁଣା ଚେହେରା। ନିକଟରେ ଅପୂର୍ବ ନିଜ ୫୦ତମ ଜନ୍ମ ଦିନ ପାଳନ କରିଥିଲେ। ତେବେ ୫୦ ବର୍ଷ ବୟସରେ ସେ ଏବେ ବାପା ହୋଇଛନ୍ତି।
Powered by Froala Editor
