ପୁଲିସ୍ ଗାଡ଼ିକୁ ହମଲା: ଶିଶୁ ସହ ୩ ମୃତ
ପାକିସ୍ତାନର ବାଲୋଚିସ୍ତାନ ନିକଟବର୍ତ୍ତୀ କ୍ୱେଟାର ବାଲେଲି ଅଞ୍ଚଳରେ ପୁଲିସ୍ ଗାଡ଼ିକୁ ଟାର୍ଗେଟ କରି ଆତ୍ମଘାତୀ ହମଲା ହୋଇଛି। ଯେଉଁଥିରେ ୩ ଜଣକ ମୃତ୍ୟୁ ହୋଇଥିବାବେଳେ ୨୮ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଜଣେ ପୋଲିସ କର୍ମୀ, ଜଣେ ମହିଳା ଏବଂ ଜଣେ ଶିଶୁଙ୍କର ମୃତ୍ୟୁ ହୋଇଛି। ୪ ଜଣ ପୁଲିସ୍ କର୍ମଚାରୀଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ରହିଛି। ବିସ୍ଫୋରଣରେ ପୁଲିସ୍ ଗାଡ଼ି ଓ ରାସ୍ତାରେ ଯାଉଥିବା ଦୁଇଟି କାର୍ ମଧ୍ୟ କ୍ଷତିଗ୍ରସ୍ତ ହୋଇଥିବା ସ୍ଥାନୀୟ ପ୍ରଶାସନ ସ୍ପଷ୍ଟ କରିଛି।
ସ୍ଥାନୀୟ ମିଡିଆର ରିପୋର୍ଟ ଅନୁଯାୟୀ, ପୁଲିସ୍ କର୍ମଚାରୀଙ୍କୁ ନେଇ ଯାଉଥିବା ଗୋଟିଏ ଟ୍ରକ୍କୁ ଟାର୍ଗେଟ କରି ବିସ୍ଫୋରଣ କରାଯାଇଛି। ବିସ୍ଫୋରଣ ଗାଡ଼ି ନିକଟରେ ହେବାରୁ ଏହା ରାସ୍ତା କଡ଼ରେ ଥିବା ଗୋଟିଏ ଖାତକୁ ଓଲଟି ପଡ଼ିଥିଲା। ଏଥିସହ ବିସ୍ଫୋରଣ ସମୟରେ ଉକ୍ତ ରାସ୍ତାରେ ଯାଉଥିବା ଦୁଇଟି କାର ମଧ୍ୟ କ୍ଷତିଗ୍ରସ୍ତ ହୋଇଛି। ବ୍ଳାଷ୍ଟ ସମୟରେ ପୁଲିସ୍ ଭ୍ୟାନ୍ ଏକ ପୋଲିଓ ଭାକ୍ସିନ ଟିମ୍କୁ ସୁରକ୍ଷା ଯୋଗାଉଥିବା ନେଇ କହିଛନ୍ତି ପୁଲିସ୍ ଅଧିକାରୀ। ବିସ୍ଫୋରଣ ପାଇଁ ପ୍ରାୟ ୨୫ କେଜି ବିସ୍ଫୋରକ ବ୍ୟବହାର ହୋଇଥିବା କୁହାଯାଉଛି।
Powered by Froala Editor
