ଅଟ୍ଟାଳିକାରେ ଭୟଙ୍କର ଅଗ୍ନିକାଣ୍ଡ, ୧୦ ମୃତ
ନୂଆଦିଲ୍ଲୀ : ଗୁରୁବାର ମାଳଦ୍ୱୀପର ରାଜଧାନୀ ମାଲେର ଏକ ବୃହତ୍ତ ଅଟ୍ଟାଳିକାରେ ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ଭୀଷଣ ଅଗ୍ନିକାଣ୍ଡରେ ୯ ଭାରତୀୟଙ୍କ ସମେତ ୧୦ ଜଣଙ୍କର ମୃତ୍ୟୁ ଘଟିଛି ବୋଲି ପ୍ରାଥମିକ ତଦନ୍ତରୁ ଖବର ମିଳିଛି । ଅନେକ ଗୁରୁତର ଆହତ ମଧ୍ୟ ହୋଇଛନ୍ତି ।
ଅଧିକାରୀଙ୍କ କହିବାନୁଯାୟୀ, ଅଟ୍ଟାଳିକାର ତଳମହଲାରେ ଥିବା ଏକ କାର ଗ୍ୟାରେଜରେ ପ୍ରଥମେ ନିଆଁ ଲାଗି ଏହା ବ୍ୟାପି ଯାଇଥିଲା । ଘଟଣା ନେଇ ଖବର ପାଇବା ମାତ୍ରେ ଦମକଳ କର୍ମଚାରୀ ଘଟଣା ସ୍ଥଳରେ ପହଞ୍ଚି ଦୀର୍ଘ ୪ ଘଣ୍ଟା ପରେ ନିଆଁକୁ ଆୟତ୍ତ କରିଥିଲେ । ଘଟଣାର ତଦନ୍ତ କରାଯାଉଛି ।
Powered by Froala Editor
