ବୃନ୍ଦାବନର ଏକ ହୋଟେଲରେ ଅଗ୍ନିକାଣ୍ଡ : ଦୁଇ କର୍ମଚାରୀ ଜୀବନ୍ତ ଦଗ୍ଧ
![ବୃନ୍ଦାବନର ଏକ ହୋଟେଲରେ ଅଗ୍ନିକାଣ୍ଡ : ଦୁଇ କର୍ମଚାରୀ ଜୀବନ୍ତ ଦଗ୍ଧ](https://odishanewslens.com/news_gallery/17345_1667499079.jpg)
ମଥୁରା ବୃନ୍ଦାବନ ଥାନା ଅଞ୍ଚଳରେ ଥିବା ଏକ ହୋଟେଲରେ ଭୟାବହ ଅଗ୍ନିକାଣ୍ଡ ଘଟିଛି। ଗୁରୁବାର ସକାଳ ସମୟରେ ଏହି ଅଗ୍ନିକାଣ୍ଡ ଘଟିଥିବା ବେଳେ ନିଆଁରେ ଦୁଇ ଜଣ କର୍ମଚାରୀ ଜୀବନ୍ତ ଦଗ୍ଧ ହୋଇଛନ୍ତି। ଏହା ସହ ୨ ଜଣ ଯୁବକ ଗୁରୁତର ଆହତ ହେବା ସହ ଅନ୍ୟ କେତେକ ଆହତ ହୋଇଛନ୍ତି। ସଭିଁଙ୍କୁ ଉଦ୍ଧାର କରାଯାଇ ଆଗ୍ରାରେ ଏକ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ କେଉଁ କାରଣରୁ ଏହି ଅଗ୍ନିକାଣ୍ଡ ଘଟିଛି ସେ ନେଇ କୌଣସି ସୂଚନା ମିଳିନାହିଁ।
ହୋଟେଲର ଉପର ହମଲାରେ ଥିବା ଷ୍ଟୋର୍ ରୁମ୍ରେ ଏହି ନିଆଁ ଲାଗିଥିବା କୁହାଯାଉଛି। ନିଆଁ ତୁରନ୍ତ ବ୍ୟାପିବା ପରେ ଲୋକଙ୍କ ଚିତ୍କାର ଶୁଣା ଯାଇଥିଲା। ଏହାପରେ ହୋଟେଲରେ ଥିବା ସଭିଁଙ୍କୁ ସୁରକ୍ଷିତ ଭାବେ ଉଦ୍ଧାର କରାଯିବା ପାଇଁ ପ୍ରୟାସ ଆରମ୍ଭ କରାଯାଇଥିଲା। ମାତ୍ର ଏଠାରେ ଦୁଇ ଜଣ କର୍ମଚାରୀ ଫସି ଯାଇଥିଲେ। ଅନ୍ୟମାନଙ୍କୁ ସୁରକ୍ଷିତ ଉଦ୍ଧାର କରାଯିବା ସହ ୨ ଜଣଙ୍କର ମୃତ୍ୟୁ ହୋଇଥିଲା। ସୂଚନା ପାଇବା ପରେ ଘଟଣାସ୍ଥଳରେ ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡିଛି।
Powered by Froala Editor